ខេត្តបាត់ដំបង ៖ សេចក្តីរាយការណ៍ពីបាត់ដំបងបានឱ្យដឹងថា សមត្ថកិច្ចរបស់ស្នងការខេត្តបានចុះទៅធ្វើការស្រាវជ្រាវ និងសាកសួរពីប្រជាពលរដ្ឋនូវជីវប្រវត្តិរបស់គ្រូពេទ្យយ៉ែម ជ្រិន ដែលបានបង្កឱ្យប្រជាពល
ខេត្តបាត់ដំបង ៖ សេចក្តីរាយការណ៍ពីបាត់ដំបងបានឱ្យដឹងថា សមត្ថកិច្ចរបស់ស្នងការខេត្តបានចុះទៅធ្វើការស្រាវជ្រាវ និងសាកសួរពីប្រជាពលរដ្ឋនូវជីវប្រវត្តិរបស់គ្រូពេទ្យយ៉ែម ជ្រិន ដែលបានបង្កឱ្យប្រជាពលរដ្ឋក្នុងឃុំរការឆ្លងជំងឺអេដស៍ ដែលការចុះទៅនេះគឺធ្វើឡើងតាំងពីថ្ងៃទី២៤ និង២៥ ធ្នូ ២០១៤ នេះ ។
ប្រភពបានឱ្យដឹងថា ការចុះទៅស៊ើបសួររបស់សមត្ថកិច្ចនោះ គឺចង់ដឹងថា គ្រូពេទ្យយ៉ែម ជ្រិន បានធ្វើមាតុភូមិនិវត្តន៍ក្នុងអំឡុងឆ្នាំ១៩៩២ រហូតមកទល់ពេលនេះ គឺបានទទួលព្យាបាលប្រជាពលរដ្ឋមានចំនួនប៉ុន្មាននាក់? ស្លាប់ប៉ុន្មាន? និងដោយសាររោគអ្វីខ្លះ?
ប្រភពបន្តថា យើងទទួលបានតួលេខក្រៅផ្លូវការរបស់សមត្ថកិច្ចថា គឺមានប្រជាពលរដ្ឋជាង១០នាក់ហើយ ដែលបានស្លាប់ដោយសារការព្យាបាលរបស់គ្រូពេទ្យ យ៉ែម ជ្រិន ក្នុងនោះមានអ្នកកើតជំងឺអេដស៍ដែរ ហើយក៏មានមនុស្ស៣នាក់ដែលមកពីជំរុំជាមួយគ្រូពេទ្យនោះក៏ស្លាប់៣នាក់ដែរ ។
មូលហេតុដែលសមត្ថកិច្ចស្នងការខេត្តចុះទៅធ្វើការសួរនាំនោះ គឺយោងតាមចម្លើយរបស់គ្រូពេទ្យយ៉ែម ជ្រិន ដែលបានសារភាពថា គឺរូបគាត់បានទទួលការព្យាបាលប្រជាពលរដ្ឋស្លាប់ប្រហែលជាង២០នាក់ ។ ក្នុងនោះគ្រូពេទ្យយ៉ែន ជ្រិន បញ្ជាក់ថា មិនមានតែរូបគាត់ទេ ដែលទទួលការព្យាបាលនោះ គឺមានគ្រូពេទ្យផ្សេងៗទៀត ក៏ទទួលការព្យាបាលផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ