រាជធានីភ្នំពេញ ៖ មន្ត្រីសមត្ថកិច្ចនិយាយថា បុរសជនជាតិបារាំងម្នាក់ត្រូវបានគេប្រទះឃើញស្លា.ប់នៅលើគ្រែដោយមានកាំភ្លើងម៉ាកកា៥៤មួយដើមនៅក្បែរខ្លួន ហើយសពមានសភាពហើមស្អុយទៅហើយនៅក្នុងបន្ទប់លេខ៣០៤ ដោយចាក់សោជាប់ពីខាងក្នុង ។
រាជធានីភ្នំពេញ ៖ មន្ត្រីសមត្ថកិច្ចនិយាយថា បុរសជនជាតិបារាំងម្នាក់ត្រូវបានគេប្រទះឃើញស្លាប់នៅលើគ្រែដោយមានកាំភ្លើងម៉ាកកា៥៤មួយដើមនៅក្បែរខ្លួន ហើយសពមានសភាពហើមស្អុយទៅហើយនៅក្នុងបន្ទប់លេខ៣០៤ ដោយចាក់សោជាប់ពីខាងក្នុង ។ ករណីនេះបង្កឲ្យមានការភ្ញាក់ផ្អើលឡើងកាលពីវេលាមោ៉ង១និង៣០នាទីរសៀលថ្ងៃទី២៣ ធ្នូ នៅផ្ទះសំណាក់«Khmer Stay» មានអាសយដ្ឋានលេខ៩៩ ភូមិ៧ ផ្លូវលេខ៦៣ សង្កាត់បឹងរាំង ខណ្ឌដូនពេញ ។
សមត្ថកិច្ចមូលដ្ឋានបានឲ្យដឹងទៀតថា បុរសជនជាតិបារាំងនេះត្រូវបានស្គាល់ឈ្មោះតាមលិខិតឆ្លងដែនគឺឈ្មោះ CHELKOFF CYRIL VICTOR អាយុ៤៧ឆ្នាំ ជាអ្នកទេសចរ កាន់លិខិតឆ្លងដែនលេខ 13C158241 បានចូលស្នាក់នៅផ្ទះសំណាក់ខាងលើ កាលពីថ្ងៃទី២៤ កញ្ញា ឆ្នាំ២០១៤ ។ អ្នកគ្រប់គ្រងផ្ទះសំណាក់បានឲ្យសមត្ថកិច្ចដឹងថា ដោយសារតែមិនបានឃើញជនបរទេសរូបនេះ ក៏ឡើងទៅមើលនិងធុំក្លិនស្អុយចេញពីក្នុងបន្ទប់ ទើបបបួលអ្នកធ្វើការជាមួយនាំគ្នាយកសោទៅចាក់បើកទ្វារមើលស្រាប់តែឃើញបុរសបារាំងរូបនេះស្លាប់មិនដឹងតាំងពីអង្កាល់ហើយក៏បានបិទទ្វាររួចរាយការណ៍ឲ្យសមត្ថកិច្ច ។
ភ្លាមៗនោះ សមត្ថកិច្ចបានបង្កើតគណៈកម្មការចម្រុះចុះពិនិត្យធ្វើកោសល្យវិច័យ ហើយគ្រូពេទ្យក៏បានប្រទះឃើញកាំភ្លើងម៉ាកកា៥៤ មួយដើមដែលបានបញ្ចូលគ្រាប់រួចជាស្រេច ។ គណៈកម្មការចម្រុះសន្និដ្ឋានជាជំហានដំបូងថា ជនរងគ្រោះស្លាប់ដោយការធ្វើអត្តឃាតបាញ់សម្លាប់ខ្លួនតែមិនដឹងថា មកពីមូលហេតុអ្វីទេ ។ តាមការធ្វើកោសល្យវិច័យរបស់នគរបាលជំនាញនិងពេទ្យប្រចាំតុលាការបង្ហាញថា ជនបរទេសរូបនេះបាញ់សម្លាប់ខ្លួនឯង ។ ទោះជាយ៉ាងណាក៏ដោយ សមត្ថកិច្ចមិនបានបង្ហាញថា តើជនបរទេសរូបនេះ មានកាំភ្លើងដោយរបៀបណានោះឡើយ ។ សពត្រូវបានបញ្ជូនយកទៅតម្កល់ នៅវត្តស្ទឹងមានជ័យ ដើម្បីស្វែងរកក្រុមគ្រួសារ និងផ្ដល់ព័ត៌មានដល់ស្ថានទូត ៕
ចែករំលែកព័តមាននេះ