រាជធានីភ្នំពេញ ៖ នៅព្រឹកថ្ងៃទី ២៥ ធ្នូ ២០១៤ នេះសាលាដំបូងរាជធានីភ្នំពេញបានបើកសវនាការលើអង្គសេចក្តីក្នុងសំណុំរឿងលោក មាជ សុវណ្ណារ៉ា មន្ត្រីជាន់ខ្ពស់គណបក្សសង្គ្រោះជាតិ ។
គួររំលឹកថា ចៅក្រមជំនុំជម្រះសភាស៊ើបសួរនៃសាលាឧទ្ធរណ៍ កាលពីថ្ងៃទី១២ ធ្នូ បានសម្រេចបដិសេធការសុំនៅក្រៅឃុំរបស់ជនជាប់ចោទឈ្មោះ មាជ សុវណ្ណារ៉ា និងឈ្មោះ អ៊ុក ពេជ្រសំណាង បន្ទាប់ពីសាលាឧទ្ធរណ៍បានលើកយកបណ្ដឹងសុំនៅក្រៅឃុំរបស់ជនជាប់ចោទទាំងពីរនាក់មកបើកសវនាការបិទទ្វារជាង១ម៉ោង ។
លោក មាជ សុវណ្ណារ៉ា និងលោកអ៊ុក ពេជ្រសំណាង ត្រូវបានសន្តិសុខពន្ធនាគារព្រៃសនាំខ្លួនចូលសវនាការក្រោមការរឹតបន្តឹងសន្តិសុខ និងមានអ្នកគាំទ្រជាង១០០នាក់មកប្រមូលផ្តុំគ្នាខាងក្រៅសាលាសាលាដំបូង ដោយស្រែកមីក្រូប្រកាសទាមទារឱ្យតុលាការដោះលែងលោកមាជ សុវណ្ណារ៉ា និងអ្នកជាប់ឃុំនៅពន្ធនាគារព្រៃសសរុប១៨នាក់។
គួរបញ្ជាក់ថា លោក មាជ សុវណ្ណារ៉ា អនុប្រធានក្រុមការងារចុះជួយខេត្តបន្ទាយមានជ័យផងនោះ និង លោក ពេជ្រ សំណាង សកម្មជនគណបក្សសង្គ្រោះជាតិ បានត្រូវសមត្ថកិច្ចឃាត់ខ្លួនតាមដីកាកាលពីខែវិច្ឆិកាកន្លងទៅ ពាក់ព័ន្ឋករណីអំពើហិង្សានៅទីលានប្រជាធិបតេយ្យកាលពីថ្ងៃទី១៥ កក្កដា ២០១៤ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ