ខេត្តក្រចេះ ៖ ជនសង្ស័យ២នាក់ប្តី-ប្រពន្ធជាមុខសញ្ញាជួញដូរគ្រឿងញៀននៅស្រុកស្នួល ត្រូវនគរបាលព្រហ្មទណ្ឌស្រុកធ្វើការបង្ក្រាបបាន កាលពីរសៀលថ្ងៃទី២២ ធ្នូ ២០១៤ ស្ថិតនៅក្នុងឃុំស្វាយជ្រះ ស្រុកស្នួល ហើយបានបញ្ជូនមកកាន់ស្នងការដ្ឋាននៅថ្ងៃទី២៣ ធ្នូ ២០១៤ នេះ ។
ប្រភពបានឱ្យដឹងថា ជនសង្ស័យជាប្តីឈ្មោះជា ខិល អាយុ២៨ឆ្នាំ និងប្រពន្ធឈ្មោះហេង សូផា អាយុ៤២ឆ្នាំ ស្នាក់នៅក្នុងភូមិថ្នល់ ឃុំស្វាយជ្រះ ស្រុកស្នួល ។
អធិការនគរបាលស្រុកស្នួល លោកវរសេនីយ៍ត្រី ចាន់ សុគីម បានឱ្យដឹងថា ជនសង្ស័យទាំង២នាក់ប្តី-ប្រពន្ធនេះ ជាមុខសញ្ញាជួញដូរគ្រឿងញៀនដ៏សកម្ម ដែលកម្លាំងនគរបាលកំពុងតែប្រមាញ់ស្រាវជ្រាវ ។ ហើយក្នុងការចាប់ខ្លួននេះ គឺបានឆែកឆេររកឃើញថ្នាំញៀនប្រភេទម្ស៉ៅពណ៌.ស ចំនួន៩កញ្ចប់តូច រួមទាំងសម្ភារសម្រាប់ប្រើប្រាស់មួយចំនួនទៀត។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ