ខេត្តបាត់ដំបង ៖ មន្រ្តីនគរបាលម្នាក់ទំនងជាស្រវឹងដល់កំរិត បានបើករថយន្តទៅបុកគ្នាជាមួយរថយន្តដឹកគ្រឿងចក្រទាំងកំរោលនៅកណ្តាលទ្រូងផ្លូវ ពេលកំពុងធ្វើដំណើរច្រាសទិសគ្នាលើដងផ្លូវលេខ១៥៧ ត្រង់ចំនុចភូមិដំណាក់ហ្លូង សង្កាត់វត្តគ ក្រុងបាត់ដំបង កាលពីវេលាម៉ោង៦និង៣០នាទីយប់ថ្ងៃ ទី២២ធ្នូ ២០១៤
ខេត្តបាត់ដំបង ៖ មន្រ្តីនគរបាលម្នាក់ទំនងជាស្រវឹងដល់កំរិត បានបើករថយន្តទៅបុកគ្នាជាមួយរថយន្តដឹកគ្រឿងចក្រទាំងកំរោលនៅកណ្តាលទ្រូងផ្លូវ ពេលកំពុងធ្វើដំណើរច្រាសទិសគ្នាលើដងផ្លូវលេខ១៥៧ ត្រង់ចំនុចភូមិដំណាក់ហ្លូង សង្កាត់វត្តគ ក្រុងបាត់ដំបង កាលពីវេលាម៉ោង៦និង៣០នាទីយប់ថ្ងៃ ទី២២ធ្នូ ២០១៤ បណ្ដាលឲ្យមន្រ្តីរូបនោះរងរបួសបែកក្បាល ខណៈរថយន្តខូចខាតស្ទើរទាំងស្រុងផ្នែកខាងមុខ។
តាមប្រភពព័ត៌មានបានឲ្យដឹងថា មន្រ្តីនគរបាលដែលជួបគ្រោះថ្នាក់នោះឈ្មោះ ដម រ៉ាដា ឋានន្តរសក្ដិវរៈសេនីយ៍ទោ មានតួនាទីជាអនុប្រធានការិយាល័យកណ្ដាលនគរបាលយុត្តិធម៌ នៃស្នងការដ្ឋាននគរបាលខេត្តបាត់ដំបង បើករថយន្តម៉ាកកាមរីពណ៌ស្លែពាក់ស្លាកលេខ ភ្នំពេញ 2B-2699 ។ ប្រភពដដែលថា មន្រ្តីនគរបាលរូបនេះទំនងជាស្រវឹង ហើយបានបើករថយន្តទៅបុកគ្នាជាមួយរថយន្តដឹកគ្រឿងចក្រចំពីមុខពេញទំហឹងនៅកណ្តាលទ្រូងផ្លូវ បណ្ដាលឲ្យរថយន្តមន្រ្តីនគរបាលរងការខូចខាតចំណែកមន្រ្តីនគរបាលឈ្មោះ ដម រ៉ាដា របួសបែកក្បាល។
បើតាមសេចក្ដីរាយការណ៍របស់សមត្ថកិច្ចថា លោក ដម រ៉ាដា បានបើករថយន្តម្នាក់ឯងចេញពីហាងផឹកស៊ីនៅម្ដុំក្រវ៉ាត់ក្រុងផ្លូវជាតិលេខ៥៧ ក្នុងគោលដៅត្រឡប់មកផ្ទះ លុះដល់ចំណុចកើតហេតុក៏មានរថយន្តដឹកគ្រឿងចក្រមួយគ្រឿងដែលឈប់អែបផ្លូវបានបើកឡើងចំពាក់កណ្តាលផ្លូវបន្ទាប់មករថយន្តទាំងពីរគ្រឿងក៏បានបុកគ្នាចំពីមុខពេញទំហឹងតែម្តង ។ សមត្ថកិច្ចចរាចរណ៍កំពុងចាត់វិធានការនាំយករថយន្តនៃភាគីទាំង២មកកាន់ស្នងការខេត្តហើយ ខណៈលោក ដម រ៉ាដា ត្រូវគេបញ្ជូនទៅកាន់គ្លីនិកឯកជនមួយនៅក្បែរនោះ។
ចែករំលែកព័តមាននេះ