គោលដៅសំខាន់មួយនៃការបង្កើតផ្សារហ៊ុននៅកម្ពុជា គឺដើម្បីប្រមែប្រមូលលុយទំនេររបស់ប្រជាជនទូទៅ យកទៅឱ្យក្រុមហ៊ុនអាជីវកម្មនានាប្រើប្រាស់ដើម្បីពង្រីកអាជីវកម្មរបស់ខ្លួន។ ចរាចរណ៍កើនឡើងនៃលុយទាំងនេះ នឹងធ្វើឱ្យសកម្មភាពសេដ្ឋកិច្ចកើនឡើង ។
គោលដៅសំខាន់មួយនៃការបង្កើតផ្សារហ៊ុននៅកម្ពុជា គឺដើម្បីប្រមែប្រមូលលុយទំនេររបស់ប្រជាជនទូទៅ យកទៅឱ្យក្រុមហ៊ុនអាជីវកម្មនានាប្រើប្រាស់ដើម្បីពង្រីកអាជីវកម្មរបស់ខ្លួន។ ចរាចរណ៍កើនឡើងនៃលុយទាំងនេះ នឹងធ្វើឱ្យសកម្មភាពសេដ្ឋកិច្ចកើនឡើង ។ នេះជាសារប្រយោជន៍មួយសម្រាប់ម៉ាក្រូសេដ្ឋកិច្ច ។
ប្រសិនបើយើងនិយាយមួយបែបផ្សេងសម្រាប់ប្រជាជនម្នាក់ៗជាវិនិយោគិនវិញ ការបងើ្កតផ្សារហ៊ុន គឺផ្តល់ឱ្យពួកគាត់នូវឱកាសយកលុយទំនេររបស់ខ្លួន (សល់ពីការចាយវាយនិងវិនិយោគដទៃទៀត) មកចូលរួមវិនិយោគជាមួយក្រុមហ៊ុនអាជីវកម្មដែលចុះបញ្ជីនៅលើផ្សារហ៊ុន ។ ឱកាស និងផលប្រយោជន៍នានាសម្រាប់វិនិយោគិន ៖
-ឱកាសវិនិយោគមួយបន្ថែមទៀត (ជាមួយក្រុមហ៊ុនចុះបញ្ជីនៅផ្សារហ៊ុន) បន្ថែមលើការបើកអាជីវកម្មរកស៊ីខ្លួនឯង ឬចូលហ៊ុនធ្វើអាជីវកម្មជាមួយបងប្អូន ឬមិត្តភក្តិ ។-ឱកាសក្លាយជាម្ចាស់ម្នាក់នៃក្រុមហ៊ុនចុះបញ្ជី (ដែលសុទ្ធសឹងជាក្រុមហ៊ុនធំៗ) ដោយមិនចាំបាច់មានប្រាក់ច្រើន និងមិនចាំបាច់ចំណាយពេលវេលាច្រើនដូចការគ្រប់គ្រងអាជីវកម្មផ្ទាល់ខ្លួន ។ -ជាប្រភពចំណូលទីពីរបន្ថែមលើប្រាក់បៀវត្ស (ឬក៏ប្រាក់ចំណេញពីអាជីវកម្មដែលមានស្រាប់) ក្នុងទម្រង់ជាភាគលាភ ឬប្រាក់ចំណេញពីការទិញលក់ភាគហ៊ុន ។-ជាជម្រើសមួយបន្ថែមទៀតសម្រាប់ការធ្វើពិពិធកម្មសំណុំវិនិយោគដែលមានស្រាប់ គឺបន្ថែមលើការវិនិយោគលើវិស័យអចលនទ្រព្យ ឬការសន្សំមានកាលកំណត់នៅធនាគារជាដើម។-មានភាពងាយស្រួល និងរហ័សក្នុងការចូលវិនិយោគ (ទិញហ៊ុន) ក៏ដូចជាការដកខ្លួនចេញវិញ (លក់ហ៊ុន) នៅពេលដែលត្រូវការសាច់ប្រាក់វិញ ។
-មិនមានពន្ធប្រថាប់ត្រាលើការជួញដូរហ៊ុននៅលើផ្សារហ៊ុនទេ ។
-មិនមានពន្ធកាត់ទុកលើភាគលាភដែលទទួលដោយនិវេសនជនកម្ពុជាទេ (រួមទាំងជនបរទេសផងដែរ) ហើយមានការបន្ធូរបន្ថយ៥០% លើពន្ធកាត់ទុក (១៤%) លើភាគលាភទទួលដោយអនិវេសនជនសម្រាប់រយៈពេលបីឆ្នាំដំបូង ដោយរាប់ចាប់ពីកាលបរិច្ឆេទប្រតិបត្តិការដំបូងរបស់ផ្សារមូលបត្រកម្ពុជា ។
ការវិនិយោគភាគហ៊ុននៅផ្សារមូលបត្រកម្ពុជា ក៏មិនខុសពីការវិនិយោគដទៃទៀតដែរ គឺតែងមានហានិភ័យ ។ ហានិភ័យនានានៃការចូលរួមវិនិយោគជាមួយក្រុមហ៊ុនចុះបញ្ជី ៖
-ហានិភ័យទាក់ទងនឹងការធ្វើអាជីវកម្មទូទៅ៖ ហានិភ័យនៃការបាត់បង់ចំណែកទីផ្សារទៅគូប្រកួតប្រជែង ហានិភ័យនៃការមិនទូទាត់សងពីអតិថិជន ហានិភ័យនៃការធ្វើបាតុកម្ម/កូដកម្មរបស់បុគ្គលិក ។ល។ ដែលសុទ្ធសឹងតែជាកត្តាដែលអាចកើតឡើង និងធ្វើឱ្យក្រុមហ៊ុនខាតបង់។ -ហានិភ័យទាក់ទងនឹងការគ្រប់គ្រងជំនួស៖ ការក្លែងបន្លំបញ្ជីគណនេយ្យ ការរាយការណ៍មិនពេញលេញឬធ្វើឱ្យយល់ច្រឡំ ការប្រើប្រាស់ព័ត៌មានផ្ទៃក្នុងដើម្បីផលប្រយោជន៍ផ្ទាល់ខ្លួន ។ល។
ការគ្រប់គ្រងហានិភ័យទាក់ទងនឹងការគ្រប់គ្រងជំនួស ៖
-រាជរដ្ឋាភិបាលតាមរយៈគណៈកម្មការមូលបត្រកម្ពុជាបានតម្រូវឱ្យក្រុមហ៊ុនចុះបញ្ជីនៅផ្សារហ៊ុន រៀបចំ និងផ្សព្វផ្សាយរបាយការណ៍ហិរញ្ញវត្ថុដែលបានធ្វើសវនកម្មរួច និងព័ត៌មានសំខាន់ៗទាំងឡាយរបស់ក្រុមហ៊ុនឱ្យបានត្រឹមត្រូវ និងទាន់ពេលវេលាទៅកាន់វិនិយោគិនសាធារណៈ តាមរយៈក្រុមហ៊ុនផ្សារមូលបត្រកម្ពុជា (www.csx.com.kh) ។ -ក្នុងនាមជាម្ចាស់ភាគហ៊ុនមួយរូបនៃក្រុមហ៊ុនចុះបញ្ជី គឺដូចជាម្ចាស់ក្រុមហ៊ុនអាជីវកម្មដទៃទៀតដែរ វិនិយោគិនត្រូវតាមដានដំណើរការអាជីវកម្មរបស់ក្រុមហ៊ុនចុះបញ្ជី សមត្ថភាពគ្រប់គ្រង និងសុចរិតភាពរបស់ថ្នាក់ដឹកនាំក្រុមហ៊ុនជាដើម ដើម្បីវាយតម្លៃអំពីគុណភាពអាជីវកម្មរបស់ក្រុមហ៊ុន វាយតម្លៃអំពីថ្លៃភាគហ៊ុនរបស់ក្រុមហ៊ុន និងសម្រេចចិត្តថាគួរទិញបន្ថែម លក់ចេញ ឬក៏រក្សាទុកភាគហ៊ុនរបស់ក្រុមហ៊ុននោះ ។ តទៅសប្តាហ៍ក្រោយ
ចែករំលែកព័តមាននេះ