តុលាការហ្វ៊ីលីពីន កាលពីថ្ងៃទី២២ ធ្នូ បានលើកឡើងពីក្តីករុណា និងការលើកមុខរបស់សម្តេចប៉ាបកាតូលិកហ្វ្រង់ស្វ័រ ដែលត្រូវយាងមកកាន់ប្រទេសនេះនាខែមករា ដើម្បីជាហេតុផលនៃការដោះលែងបណ្តោះអាសន្ន លោកស្រីអតីតប្រធានាធិបតី ក្លូរៀ អារ៉ូយ៉ូ នាឱកាសបុណ្យណូអែល ។
តុលាការហ្វ៊ីលីពីន កាលពីថ្ងៃទី២២ ធ្នូ បានលើកឡើងពីក្តីករុណា និងការលើកមុខរបស់សម្តេចប៉ាបកាតូលិកហ្វ្រង់ស្វ័រ ដែលត្រូវយាងមកកាន់ប្រទេសនេះនាខែមករា ដើម្បីជាហេតុផលនៃការដោះលែងបណ្តោះអាសន្ន លោកស្រីអតីតប្រធានាធិបតី ក្លូរៀ អារ៉ូយ៉ូ នាឱកាសបុណ្យណូអែល ។
ជាប់ចោទពីបទក្លែងបន្លំក្នុងការបោះឆ្នោត ការពង្វាងយកមូលនិធិ និងពុករលួយ លោកស្រីអារ៉ូយ៉ូ អាយុ៦៧ឆ្នាំ ចាប់តាំងពីឆ្នាំ២០១១មក រស់នៅក្រោមរបបឃុំឃាំងបណ្តោះអាសន្នក្នុងមន្ទីរពេទ្យរដ្ឋមួយជាកន្លែងលោកស្រីព្យាបាលជំងឺដ៏កម្រមួយនៃខួរឆ្អឹងខ្នង ។
ជាប្រមុខរដ្ឋនៃប្រទេសកាន់សាសនាកាតូលិកធំមួយនៅអាស៊ីអាគ្នេយ៍រវាងឆ្នាំ២០០១ ទៅ២០១០ លោកស្រីអារ៉ូយ៉ូ អាចមកកាន់ផ្ទះលោកស្រី រវាងថ្ងៃទី២៣ ទៅ២៦ ធ្នូ ដើម្បីហេតុផលមនុស្សធម៌ ។ នេះជាការអះអាងរបស់ក្រឡាបញ្ជីម្នាក់នៃតុលាការប្រឆាំងអំពើពុករលួយក្រុងម៉ានីល ។ ក្រឡាបញ្ជីរូបនេះនិយាយថា ការអនុញ្ញាតពិសេសនោះត្រូវបានផ្តល់ឱ្យមុនទស្សនកិច្ចរបស់សម្តេចប៉ាបហ្វ្រង់ស្វ័រ ព្រមទាំងជាក្តីករុណា និងលើកមុខមួយ ។
សម្តេចប៉ាបហ្វ្រង់ស្វ័រ នឹងយាងមកបំពេញទស្សនកិច្ចផ្លូវការនាថ្ងៃទី១៥ ១៦ និង១៧ មករា នៅហ្វ៊ីលីពីន ជាប្រទេសមានប្រជាជនជិត១០០លាននាក់ ហើយ៩០% ជាអ្នកកាន់សាសនាកាតូលិក ៕
ចែករំលែកព័តមាននេះ