ជីកាហ្គោ ៖ កាលពីពេលថ្មីៗនេះប្រទេសចិនបានបង្ហើបឱ្យដឹងថា ខ្លួននឹងបង្កើនការនាំចូលបរិក្ខាវេជ្ជសាស្ត្រនិងឱសថពីសហរដ្ឋអាមេរិកហើយថែមទាំងបង្ខំចិត្តប្រតិបត្តិការប្រឆាំងនឹងសិទ្ធិផ្តាច់មុខរបស់ខ្លួនដើម្បីឱ្យមានតុល្យភាពរវាងបណ្តាក្រុមហ៊ុនចិន និងបរទេស ។
ការប្តេជ្ញានេះបានធ្វើឡើងនៅក្នុងកិច្ចប្រជុំពាណិជ្ជកម្មប្រចាំឆ្នាំរវាងប្រទេសទាំងពីរដែលប្រព្រឹត្តទៅក្នុងទីក្រុងជីកាហ្គោ សហរដ្ឋអាមេរិក។ ការសន្យាពង្រីកការនាំចូលមុខទំនិញនេះរបស់ភាគីចិន គួរតែនាំមកនូវកំណើននៃវិស័យសំខាន់ៗចំនួន២របស់សហរដ្ឋអាមេរិក គឺការនាំចេញនិងការងាររបស់ពលរដ្ឋក្នុងប្រទេស ។
ទោះជាយ៉ាងណាក៏ដោយ ក្រុមធុរជនបានសម្តែងក្តីបារម្ភអំពីរលកនៃការពិនិត្យពិច័យនៅក្នុងច្បាប់ប្រឆាំងសិទ្ធិផ្តាច់មុខរបស់ចិនដែលជាការស្នើឱ្យរដ្ឋាភិបាលក្រុងប៉េកាំងស៊ើបអង្កេតនូវភាពមិនត្រឹមត្រូវ ឬមិនប្រក្រតីដែលដាក់សម្ពាធដល់ក្រុមហ៊ុនបរទេសដើម្បីកាត់បន្ថយតម្លៃ ឬផ្លាស់ប្តូរការអនុវត្តគោលការណ៍ផ្សេងៗលើមុខជំនួញ ៕
ចែករំលែកព័តមាននេះ