អាគុយគឺជាគ្រឿងសុវត្ថិភាពមួយផ្នែកជួយដល់ការបញ្ឆេះ និងបន្តដំណើររបស់រថយន្ត ។ ថាមពលភ្លើងជាកម្លាំងចាំបាច់ដើម្បីធ្វើម៉ាសីុនដើរស្រួលចំពោះអាគុយភាគច្រើននឹងបន្តប្រតិបត្តិការបានល្អប្រសើរយ៉ាងហោចក៏៥ទៅ៧ឆ្នាំដែរ បើមានការថែទាំវាបានទៀងទាត់នោះ។ ខាងក្រោមនេះគឺជាបច្ចេកទេសថែទាំអាគុយរថយន្តឱ្យប្រើប្រាស់បានយូរអង្វែង ៖
១-ពិនិត្យកម្រិតទឹករបស់អាគុយជារៀងរាល់២ឬ៣ខែម្ដង ។ ក្នុងនោះកម្រិតទឹកគួរតែស្ថិតនៅក្រោមរន្ធចាក់បំពេញរបស់វា ។
-មួលគម្របសម្រាប់ចាក់បំពេញទឹកអាសីុតនោះចេញដើម្បីពិនិត្យកម្រិតវត្ថុរាវនោះ ។ ចំពោះអាគុយខ្លះគឺពុំមានគម្របបែបនេះទេ ពីព្រោះវាជាប្រភេទអាគុយស្ងួត ។
២-សម្អាតកន្លែងសម្រាប់ចម្លងចរន្តអគ្គិសនីជាមួយនឹងប្រដាប់ដុសខាត់(ច្រាស់)ជារៀងរាល់៦ខែទៅ៨ខែម្ដង ។
៣-លាងសម្អាតទីតាំងចម្លងចរន្ត(បង្គោលប៉ូលិ(+)និង(-) )របស់អាគុយជាមួយនឹងខ្លាញ់គោដែលផលិតឡើងធន់នឹងសីតុណ្ហភាពខ្ពស់ ។ ការដាក់ខ្លាញ់គោនឹងការពារតំបន់ទាំងនោះពីការច្រែះចាប់ឡើងស្នឹមនិងកាត់សីុ ។
៤-ពិនិត្យមើលវ៉ុលភ្លើងរបស់វាជារៀងរាល់ពេលអ្នកផ្លាស់ប្ដូរប្រេងម៉ាសីុនរថយន្តឬពិនិត្យជួសជុលថែទាំចំណុចផ្សេងៗ ។
ចំពោះអាគុយដែលសាកបញ្ចូលភ្លើងពេញគឺមានកម្រិត១២,៥វ៉ុលទៅ១២,៦វ៉ុល ។
៥-ពិនិត្យមើលឧបករណ៍មិនចម្លងចរន្តរបស់អាគុយប្រសិនបើរថយន្តអ្នកមានបំពាក់ ។ ចំពោះរថយន្តមួយចំនួនឧបករណ៍នេះប្រើប្រាស់ដើម្បីបង្ការការពារអាគុយទប់ទល់នឹងសីតុណ្ហភាពខ្ពស់គឺវាអាចសម្ងួតនូវវត្ថុធាតុរាវបានយ៉ាងលឿន ។ ដូច្នេះគួរតែត្រូវបានបំពាក់ហើយក៏
មិនគប្បីធ្វើឱ្យខូចខាត ។
៦-ឧស្សាហ៍យករថយន្តទៅកន្លែងសេវាថែទាំឱ្យបានទៀងទាត់បន្តិច ។ មធ្យោបាយដ៏ល្អបំផុតនោះដើម្បីថែទាំអាគុយរថយន្តអ្នកឱ្យធន់និងប្រើប្រាស់បានយូរគឺត្រូវឧស្សាហ៍ពិនិត្យនិងធ្វើតេស្តវាជារៀងរាល់៣ខែ ឬ៤.៨០០គីឡូម៉ែត្រម្ដងទើបជាការប្រសើរ ៕
ចែករំលែកព័តមាននេះ