កីឡាករប្រដាល់អង់គ្លេស អាមៀ ខាន់ នឹងធ្វើដំណើរទៅប្រទេសប៉ាគីស្ថានមុនដំណាច់ឆ្នាំនេះ ដើម្បីបង្ហាញនូវការគាំទ្រដល់ជនរងគ្រោះនៃសាលាបណ្តុះបណ្តាលកងទ័ពនៅ Peshawar។ ម្ចាស់ខ្សែក្រវាត់ស្ថាប័ន WBC រូបនេះដែលមានឪពុកម្តាយជាជនជនជាតិប៉ាគីស្ថានបានធ្វើរួចមកហើយនូវការ
កីឡាករប្រដាល់អង់គ្លេស អាមៀ ខាន់ នឹងធ្វើដំណើរទៅប្រទេសប៉ាគីស្ថានមុនដំណាច់ឆ្នាំនេះ ដើម្បីបង្ហាញនូវការគាំទ្រដល់ជនរងគ្រោះនៃសាលាបណ្តុះបណ្តាលកងទ័ពនៅ Peshawar។ ម្ចាស់ខ្សែក្រវាត់ស្ថាប័ន WBC រូបនេះដែលមានឪពុកម្តាយជាជនជនជាតិប៉ាគីស្ថានបានធ្វើរួចមកហើយនូវការផ្តល់ជំនួយគិតជាទឹកប្រាក់៣ម៉ឺនផោន ។
គេនិយាយថា ៖ «ខ្ញុំគ្រាន់តែចង់និយាយពីការពិត និងប្រាប់មនុស្សទាំងអស់គ្នាថា អ្វីដែលបានកើតមាន គឺជារឿងមិនត្រឹមត្រូវ ។ ខ្ញុំគិតថា ឥឡូវនេះ វាពិតជាសំខាន់ជាងការធ្វើដំណើរទៅទីនោះ ។ ខ្ញុំគិតថា ជំនួយជាខោប្រដាល់របស់ខ្ញុំនឹងបញ្ជូនសារទៅកាន់មនុស្សជាច្រើនថា អាមៀ ខាន់ នឹងទៅទីនោះដើម្បីកែប្រែអ្វីមួយ ។ ខ្ញុំចង់ឱ្យប៉ាគីស្ថានក្លាយជាប្រទេសដ៏ល្អប្រសើរមួយ» ។
អាមៀ ខាន់ ដែលទើបមានកូនមួយកាលពីខែឧសភា គ្រោងទៅកាន់ប៉ាគីស្ថានចន្លោះបុណ្យគ្រីស្តស្មើស និងឆ្នាំថ្មី ។
កីឡាករវ័យ២៨ឆ្នាំរូបនេះបានបន្តថា ៖ «ព័ត៌មាននៃការស្លាប់ក្មេងតូចៗបានធ្វើឱ្យខ្ញុំឈឺចាប់ជាខ្លាំង ។ យើងសាកគិតថា កូនស្រីគួរឱ្យស្រឡាញ់ត្រូវគេសម្លាប់ពេលកំពុងរៀន តើយើងមានអារម្មណ៍បែបណា ? សម្លាប់ក្មេងមិនដឹងអី គឺគ្មានន័យអ្វីទាំងអស់ ។ អ្នកប្រព្រឹត្តជាមនុស្សគ្មានមេត្តាបន្តិចសោះ» ។
សូមរំលឹកថា កាលពីថ្ងៃទី១៦ ខែនេះ មនុស្សចំនួន១៤១នាក់ ក្នុងនោះភាគច្រើនជាកុមារត្រូវបានពួកសកម្មប្រយុទ្ធតាលីបង់ប៉ាគីស្ថានសម្លាប់ចោលក្នុងខណៈពួកគេកំពុងសិក្សាក្នុងសាលារៀនមួយ ៕
ចែករំលែកព័តមាននេះ