រាជធានីភ្នំពេញ ៖ សេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា មកដល់វេលាម៉ោង៣រសៀល ថ្ងៃទី២២ ធ្នូ នេះកម្មកររោងចក្រខាំបូខូថបបាននាំគ្នារំសាយ ហើយបើកផ្លូវជាតិលេខ៤ឱ្យធ្វើដំណើរឡើងវិញហើយ
រាជធានីភ្នំពេញ ៖ សេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា មកដល់វេលាម៉ោង៣រសៀល ថ្ងៃទី២២ ធ្នូ នេះកម្មកររោងចក្រខាំបូខូថបបាននាំគ្នារំសាយ ហើយបើកផ្លូវជាតិលេខ៤ឱ្យធ្វើដំណើរឡើងវិញហើយ ដោយសារឃើញមានការកកស្ទះចរាចរណ៍ខ្លាំងពេក។
ការបើកផ្លូវនេះគឺពួកគេធ្វើឡើងដោយឯកឯង ដោយមិនមានអាជ្ញាធរ ឬសមត្ថកិច្ចណាមកអន្តរាគមន៍ឡើយ។
គួររំលឹកថា កាលពីម៉ោងជាង១រសៀល ថ្ងៃទី២២ ធ្នូ នេះកម្មកររោងចក្រយីហោខាំបូខូថប ស្ថិតក្នុងភូមិកន្ទោកខាងជើង សង្កាត់កន្ទោក ខណ្ឌពោធិ៍សែនជ័យប្រហែលជាង៣០០នាក់បានប្រមូលផ្តុំគ្នាធ្វើកូដកម្មតវ៉ាបិទផ្លូវជាតិលេខ៤បង្កឱ្យមានការកកស្ទះចរាចរណ៍ជាង១ម៉ោង។
ការតវ៉ានេះបានធ្វើឡើងក្នុងគោលបំណងទាមទារឱ្យថៅកែរោងចក្រទទួលយកតំណាងពួកគេ៥នាក់ចូលធ្វើការវិញ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ