ក្រុមអ្នកស្រាវជ្រាវនូវែលសេឡង់បាននិយាយថា ស្ត្រីមានផ្ទៃពោះដែលផឹកទឹកដោះគោច្រើនអាចនាំឱ្យកូនរបស់ពួកគេប្រឈមនឹងកង្វះសារធាតុដែកខណៈស្ថិតក្នុងដំណាក់កាលដ៏សំខាន់នៃការអភិវឌ្ឍ ។
ក្រុមអ្នកស្រាវជ្រាវនូវែលសេឡង់បាននិយាយថា ស្ត្រីមានផ្ទៃពោះដែលផឹកទឹកដោះគោច្រើនអាចនាំឱ្យកូនរបស់ពួកគេប្រឈមនឹងកង្វះសារធាតុដែកខណៈស្ថិតក្នុងដំណាក់កាលដ៏សំខាន់នៃការអភិវឌ្ឍ ។
យោងតាមការសិក្សាពីសាកលវិទ្យាល័យ Aucklandបានបង្ហាញថា ជាតិដែកមានសារសំខាន់ណាស់សម្រាប់ការអភិវឌ្ឍខួរក្បាលប្រកបដោយសុខភាព ។ កង្វះខាតសារធាតុរ៉ែប្រភេទនេះចំពេលដែលខួរក្បាលក្មេងត្រូវការការអភិវឌ្ឍខ្លាំងនិងយ៉ាងឆាប់រហ័សគឺត្រូវបានផ្សារភ្ជាប់ជាមួយនឹងភាពខុសគ្នាតូចមួយ ប៉ុន្តែ វាមានសារៈសំខាន់នៅក្នុងការបំពេញមុខងារ ការរៀនសូត្រ ក៏ដូចជាឥរិយាបថរបស់ខ្លួរក្បាល ។
ការពិសោធតាមដានរយៈពេលមួយឆ្នាំបានបានរកឃើញថា ៧ភាគរយនៃទារកទើបនឹងកើតថ្មីនៅប្រទេសនូវែលសេឡង់គឺខ្វះជាតិដែកនិងថា សន្និធិជាតិដែករបស់ទារកដែលម្តាយរបស់ពួកគេជាអ្នកទទួលទានទឹកដោះគោក្នុងបរិមាណខ្ពស់អំឡុងពេលពពោះ ស្ថិតក្នុងកម្រិតមួយយ៉ាបទាប ។
ថ្លែងក្នុងរបាយការណ៍ សាស្ត្រាចារ្យ Cameron Grantបានបញ្ជាក់ថា៖«ខណៈពេលដែលទឹកដោះគោគឺជាប្រភពដ៏សំខាន់នៃជាតិកាល់ស្យូម តែវាក៏ជាប្រភពមួយដែលខ្សត់បំផុតនូវជាតិដែក ។ ទឹកដោះគោក៏ជាប្រភេទអាហារដែលនាំឱ្យអ្នកទទួលទានឆាប់ឆ្អែតផងដែរ ដូច្នេះ វាពិតជាអាចកាត់បន្ថយចំណង់ស្រេកឃ្លានអាហារផ្សេងទៀតដែលជាប្រភពនៃជាតិដែកដ៏ល្អប្រសើរ »។ លោកសាស្ត្រាចារ្យបន្តថា៖«ស្ត្រីមានផ្ទៃពោះដែលខ្វះជាតិដែកអាចនឹងបណ្តាលឱ្យកូនកើតមិនគ្រប់ខែឬកូនកើតមកមានទម្ងន់ស្រាលខុសពីធម្មតា ។ ជាងនេះទៅទៀត ពួកគេក៏ទំនងជាខ្វះជាតិដែកខណៈពេលដែលពួកគេកំពុងបំបៅដោះកូន» ។
កង្វះជាតិដែកគឺជាបញ្ហាសាមញ្ញបំផុតសម្រាប់ក្មេងនូវែលសេឡង់អាយុចាប់ពី៦ខែទៅ២ឆ្នាំ ធៀបទៅនឹងក្មេងអាយុដូចគ្នានៅប្រទេសអូស្ត្រាលី សហភាពអឺរ៉ុប ឬសហរដ្ឋអាមេរិក ។
ដើម្បីបងា្ករផលប៉ះពាល់អវិជ្ជមាននានាទៅលើការអភិវឌ្ឍលូតលាស់ពីដំបូងរបស់កូនសាស្ត្រាចារ្យ Grantបានផ្តល់ជាអនុសាសន៍ថា ស្ត្រីមានផ្ទៃពោះដែលចូលចិត្តផឹកទឹកដោះគោច្រើនគួរតែប្រើថ្នាំគ្រាប់ជាតិដែក ៕
ចែករំលែកព័តមាននេះ