គឺជាកិច្ចការល្អប្រសើរបំផុតសម្រាប់បុគ្គលដែលចង់ធ្វើឱ្យល្អប្រសើរដល់សុខភាពបេះដូង។ ជាជំហានមូលដ្ឋានគ្រឹះ ការផ្លាស់ប្តូរទម្លាប់រស់នៅសូម្បីបន្តិចបន្តួចក៏មានប្រសិទ្ធភាពបានដែរ ។
គឺជាកិច្ចការល្អប្រសើរបំផុតសម្រាប់បុគ្គលដែលចង់ធ្វើឱ្យល្អប្រសើរដល់សុខភាពបេះដូង។ ជាជំហានមូលដ្ឋានគ្រឹះ ការផ្លាស់ប្តូរទម្លាប់រស់នៅសូម្បីបន្តិចបន្តួចក៏មានប្រសិទ្ធភាពបានដែរ ។
យើងត្រូវដឹងថា មូលហេតុមួយក្នុងចំណោមមូលហេតុធំៗនានានៃអត្រាប្រឈមនឹងជំងឺបេះដូងគឺកើតមាននៅពេលដែលអស់លោកអ្នកចាប់យកបែបបទរស់នៅប្រចាំថ្ងៃដែលរាងកាយទំនេរ មិនបានធ្វើសកម្មភាពចេញញើសឬធ្វើសកម្មភាពដែរ ប៉ុន្តែតិចតួចពេក។ ជាក់ច្បាស់ណាស់ រាងកាយរបស់អ្នកកាន់តែមានសកម្មភាព នោះសុខភាពបេះដូងរបស់អ្នកកាន់តែល្អប្រសើរឡើងផងដែរ ។ ចំពោះអ្នកដែលមមាញឹកខ្លាំងនឹងការងារចិញ្ចឹមជីវិត ការធ្វើសកម្មភាពរាងកាយរយៈពេលខ្លីក៏អាចធ្វើឱ្យសុខភាពបេះដូងល្អប្រសើរបានដែរ ។ ទោះជាយ៉ាងនេះក្តី របបអាហារទទួលទានប្រចាំថ្ងៃនិងរយៈពេលសម្រាកពេលយប់នៅតែជាកត្តាមិនអាចខ្វះបាន ។
លោកស្រីវេជ្ជបណ្ឌិត Martha Grogan ឯកទេសខាងបេះដូងមកពីអង្គការស្រាវជ្រាវវេជ្ជសាស្ត្រ Mayo Clinicមានមូលដ្ឋាននៅសហរដ្ឋអាមេរិកបានបង្ហាញនូវវិធានងាយៗដើម្បីអនុវត្តប្រចាំថ្ងៃ៣ចំណុចដូចខាងក្រោមនេះ ៖
១-ធ្វើចលនារាងកាយយ៉ាងហោចណាស់១០នាទី ៖
ចូរហាត់ប្រាណយ៉ាងហោចណាស់១០នាទីឱ្យបានរៀងរាល់ថ្ងៃ ។ ពិតណាស់ គេធ្លាប់តែឮថា ហាត់ប្រាណយ៉ាងហោចណាស់ពី៣០នាទីទៅ៦០នាទីក្នុងមួយថ្ងៃ ទើបធ្វើឱ្យសុខភាពល្អប្រសើរ ប៉ុន្តែ១០នាទីគឺជាចំនួនដែលទាបបំផុត ល្មមអាចឱ្យមានការផ្លាស់ប្តូរបាន ។ ជាក់ស្តែង ការសិក្សាកន្លងមកធ្លាប់រកឃើញថា ហាត់ប្រាណចាប់ពី៦០ទៅ៩០នាទីក្នុងមួយសប្តាហ៍ អាចកាត់បន្ថយហានិភ័យពីជំងឺបេះដូងបានពាក់កណ្តាល ។
២-ទទួលទាន៥ដងក្នុងមួយថ្ងៃ ៖ ទទួលទានបន្លែនិងផ្លែឈើឱ្យបាន៥ដងក្នុងមួយថ្ងៃគឺជួយជំរុញដល់សុខភាពបេះដូង ។ គួរចាប់ផ្តើមនៅពេលទទួលទានអាហារពេលព្រឹកម្តង និងបន្ទាប់មកចន្លោះពេលបាយ ។ ចូរព្យាយាមដាក់បញ្ចូលបន្លែក៏ដូចជាផ្លែឈើទៅក្នុងរបបអាហារប្រចាំថ្ងៃរបស់អ្នក ។
៣-ទទួលទានដំណេកឱ្យបាន៨ម៉ោងក្នុងមួយយប់ ៖
ដំណេកស្កប់ស្កល់គឺពិតជាផ្តល់ផលល្អចំពោះសុខភាពបេះដូង ។ វាអាចជារឿងពិបាកដើម្បីធ្វើរឿងនេះបាន ប៉ុន្តែ វាពិតជាសំខាន់ខ្លាំងណាស់។ បើទោះណា ដំណេករបស់បុគ្គលម្នាក់ៗខុសគ្នា តែដំណេករយៈពេល៨ម៉ោងក្នុងមួយយប់គឺជាជម្រើសមួយល្អ ៕
ចែករំលែកព័តមាននេះ