ខេត្តបន្ទាយមានជ័យ ៖ កណ្តាប់ស្រូវ និងស្រូវមិនទាន់ច្រូតកាត់ចំនួន៤ហិកតាកន្លះបានក្លាយជាចំណីអគ្គិភ័យឆេះហ្មត់ទាំងស្រុង ។ ហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង៣រសៀល ថ្ងៃទី២១ ធ្នូ ២០១៤ នៅភូមិស្រះឈូកកើត ឃុំស្រះជីក ស្រុកភ្នំស្រុក ។
ខេត្តបន្ទាយមានជ័យ ៖ កណ្តាប់ស្រូវ និងស្រូវមិនទាន់ច្រូតកាត់ចំនួន៤ហិកតាកន្លះបានក្លាយជាចំណីអគ្គិភ័យឆេះហ្មត់ទាំងស្រុង ។ ហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង៣រសៀល ថ្ងៃទី២១ ធ្នូ ២០១៤ នៅភូមិស្រះឈូកកើត ឃុំស្រះជីក ស្រុកភ្នំស្រុក ។
តាមប្រភពព័ត៌មានពីនគរបាលស្រុកភ្នំស្រុក បានឲ្យដឹងថា ជនរងគ្រោះជាម្ចាស់ស្រូវមិនទាន់ច្រូតកាត់ និងកណ្តាប់ស្រូវ ដែលត្រូវបានភ្លើងឆាបឆេះចំនួន៤នាក់ ១-ឈ្មោះខុង រូប ភេទប្រុស អាយុ៥៤ឆ្នាំ ឆេះអស់ចំនួនកន្លះហិកតា, ២-ឈ្មោះម៉ៅ ពេជ្រ ភេទប្រុស អាយុ៦០ឆ្នាំ ឆេះអស់ចំនួន១ហិកតាកន្លះ, ៣-តុន សម្បត្តិ ភេទប្រុស អាយុ៥៤ឆ្នាំ ឆេះអស់ចំនួន២ហិកតា, ៤-ប្រាំង ព្រឿ ភេទប្រុស អាយុ៧២ឆ្នាំ ឆេះអស់ចំនួនកន្លះហិកតា សរុបចំនួន៤ហិកតាកន្លះ ។ ម្ចាស់ស្រូវទាំងអស់នៅភូមិស្រះឈូកកើត ឃុំស្រះជីក ស្រុកភ្នស្រុកខេត្តបន្ទាយមានជ័យ។
ប្រភពដដែលបានបញ្ជាក់ថា នៅពេលមានហេតុការណ៍អគ្គិភ័យនេះកើតឡើង មានកម្លាំងនគរបាលស្រុកសហការជាមួយកម្លាំងប្រជាពលរដ្ឋ សរុបចំនួន១០០នាក់ បានចុះជួយអន្តរាគមន៍ពន្លត់ក្នុងរយៈពេល១ម៉ោងទើបភ្លើងរលត់អស់ទាំងស្រុង ។
តាមការសន្និដ្ឋានជំហានដំបូងរបស់សមត្ថកិច្ចបានឱ្យដឹងថា មូលហេតុដែលបង្កឲ្យកើតមានអគ្គិភ័យនេះ គឺបណ្តាលមកពីការជក់បារីចោលកន្ទុយទៅលើជញ្ជ្រាំងស្រូវ ។ ជាមួយគ្នានេះ អាជ្ញាធរមូលដ្ឋានស្រុក ឃុំ ក៏ដូចជាសមត្ថកិច្ចបានអំពាវនាវដល់ប្រជាពលរដ្ឋទាំងអស់ដែលបានជក់បារី សូមកុំចោលកន្ទុយបារីផ្តេសផ្តាសដែលនាំឲ្យកើតគ្រោះមន្តរាយអគ្គិភ័យបែបនេះ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ