រាជធានីភ្នំពេញ ៖ តារាសម្តែងថៃ នាងខ្វាន់ យូសាម៉ានី រីករាយយ៉ាងខ្លាំងដែលបានមកប្រទេសកម្ពុជាជាលើកទីមួយ ហើយមានទស្សនិកជនជាច្រើនចូលរួមទស្សនាការសម្តែងរបស់នាង ។
រាជធានីភ្នំពេញ ៖ តារាសម្តែងថៃ នាងខ្វាន់ យូសាម៉ានី រីករាយយ៉ាងខ្លាំងដែលបានមកប្រទេសកម្ពុជាជាលើកទីមួយ ហើយមានទស្សនិកជនជាច្រើនចូលរួមទស្សនាការសម្តែងរបស់នាង ។
នាងក្វាន់ យូសាម៉ានី បានមកភ្នំពេញ ហើយចូលរួមច្រៀងក្នុងកម្មវិធីកម្សាន្តពិសេសមួយនៃខួប១ឆ្នាំរបស់ RCA Club កាលពីរាត្រីថ្ងៃទី២០ ធ្នូ ២០១៤ ។
កញ្ញាខ្វាន់ យូសាម៉ានី ដែលស្រស់ស្អាតដូចកូនកាត់បារាំង រាងខ្ពស់ស្រឡះបានឱ្យដឹងថា នាងទើបតែមកស្គាល់ប្រទេសកម្ពុជាជាលើកទី១ប៉ុណ្ណោះ តាមរយៈការរៀបចំឱ្យមកសម្តែងពីថៅកែ RCA CLUB ជាកន្លែងកម្សាន្តដ៏ល្បីមួយនៅភ្នំពេញ ។ ប្រទេសកម្ពុជានាងចង់មកសម្តែងជាថ្មីទៀត ប្រសិនបើមានពេលវេលា ។
នាងខ្វាន់ និយាយថា «ពេលមកកាន់ទីនេះខ្ញុំរំភើប ព្រោះបានសួរសុខទុក្ខដល់កុមារកំព្រានៅមជ្ឈមណ្ឌលកុមារកំព្រាសំរោងក្រោម ស្ថិតក្នុងសង្កាត់ឃ្មួញ។ ស្នាមញញឹមរបស់ ប្អូនៗទទួលរាក់ទាក់ធ្វើឱ្យខ្ញុំរីករាយ ។ កាន់តែពិសេសជាងនេះនាងខ្ញុំរំភើបចិត្តនៅពេលបានឃើញដោយផ្ទាល់ពីការរាំរបាំជូនពររបស់ ប្អូនៗកុមារកំព្រា ដែលរបាំនេះនាងខ្ញុំចង់ទស្សនាយូរមកហើយ និងធ្លាប់តែឃើញតាមរយៈទូរទស្សន៍ ឬសារព័ត៌មាន ទើបតែមកដល់ផ្ទាល់បានឃើញជក់ចិត្តមិនស្ទើរទេ» ។
តារាល្បីឈ្មោះតាមរយៈរឿងភាគនៅលើកញ្ចក់ទូរទស្សន៍ថៃប៉ុស្តិ៍លេខ៧ នាងខ្វាន់ យូសាម៉ានី មិននឹកស្មានថាមានភ្ញៀវជាច្រើនរង់ចាំការសម្តែងរបស់នាងនៅក្នុងបរិវេណ RCA CLUB បែបនេះទេ ។ នាងមកកម្ពុជាលើកទី១នេះ ចង់ស្ទង់មើលដែរថា តើមានមហាជនស្គាល់នាងច្រើនឬទេ ? ជាក់ស្តែងមានអ្នកស្គាល់នាងច្រើន ។ ដូច្នេះហើយនាងខ្វាន់ ថ្លែងអំណរគុណដល់ថៅកែ RCA CLUB ដែលបានរៀបចំពិធីគម្រប់ខួប១ឆ្នាំនៃការកកើតកន្លែងកម្សាន្តនេះ ហើយអញ្ជើញនាងមកជួបទស្សនិកជនកម្ពុជាជាលើកទីមួយ ។ លើសពីនេះនាងបានជួបផ្ទាល់តារាសម្តែងកម្ពុជាមួយចំនួន សុទ្ធតែស្រស់ស្អាតមិនចាញ់តារាថៃឡើយ ។
នាងខ្វាន់ យូសាមា៉នី ប្រាថ្នាចង់ឃើញចំណងមិត្តភាពរវាងប្រទេសទាំងពីរកម្ពុជា-ថៃ ស្ថិតស្ថិរយូរអង្វែង ។
អ្នកសិល្បៈដែលបានចូលរួមកម្សាន្តក្នុងកម្មវិធីគម្រប់ខួប១ឆ្នាំនៃការបង្កើតកន្លែងកម្សាន្តរាត្រី RCA CLUB មានដូចជាកញ្ញាតូតា, គង់ វង្សយ៉ាទី, ព្រះកាយច័ន្ទ, នេត សុចរិយា, អោក សុម៉ាវត្តី, ច័ន្ទ សុធារ័ត្ន, ដួង ស្រីពេជ្រ, លោកសុខ សេរីវឌ្ឍនា និងលោកបញ្ញា សិទ្ធិ ជាដើម ។
នេះជាលើកទី២ហើយដែល RCA CLUB ស្ថិតនៅខាងមុខស្ថានីយទូរទស្សន៍អប្សរារៀបចំព្រឹត្តិការណ៍កម្សាន្តធំបំពេញចិត្តអតិថិជន។ លើកទី១ កាលពីប៉ុន្មានខែមុន RCA CLUB បានអញ្ជើញតារាភាពយន្តថៃស្រស់ស្អាតល្បីឈ្មោះនាងផេនខេក មកសម្តែងដែរ ។
លើកក្រោយទៀត RCA CLUB នឹងរៀបចំកម្មវិធី ពិសេសៗបំពេញចិត្តអតិថិជនដែលនិយមគាំទ្រ ដោយអញ្ជើញតារាកូរ៉េ ហ្វ៊ីលីពីន និងសិង្ហបុរី ជាដើម មកសម្តែង ៕
ចែករំលែកព័តមាននេះ