គេហទំព័របរទេស Daily Mail ចេញផ្សាយកាលពីពេល ថ្មីៗឱ្យដឹងថា តារាចម្រៀងអាមេរិក វ័យ៣៣ឆ្នាំ នាងប្រ៊ីតនី ស្ពៀរបញ្ចេញសម្រស់លើទស្សនាវដ្តីសុខភាពស្ត្រីរបស់អាមេរិកក្នុងលេខថ្មី ។
គេហទំព័របរទេស Daily Mail ចេញផ្សាយកាលពីពេល ថ្មីៗឱ្យដឹងថា តារាចម្រៀងអាមេរិក វ័យ៣៣ឆ្នាំ នាងប្រ៊ីតនី ស្ពៀរបញ្ចេញសម្រស់លើទស្សនាវដ្តីសុខភាពស្ត្រីរបស់អាមេរិកក្នុងលេខថ្មី ។
ក្នុងឈុតសម្លៀកបំពាក់ពណ៌ទឹកក្រូច គួបផ្សំជាមួយសាច់សខ្ចី និងស្នាមញញឹមស្រស់នាងប្រ៊ីតនីស្ពៀរ និយាយថា «នាងខ្ញុំសូមថ្លែងអំណរគុណយ៉ាងជ្រាលជ្រៅដល់ទស្សនាវដ្តីសុខភាពស្ត្រីដែលផ្តល់កិត្តិយសឱ្យរូបនាងខ្ញុំបង្ហាញវត្តមានលើទំព័រមុខ ។ នាងខ្ញុំចាប់អារម្មណ៍លើសុខភាពណាស់ ពោលគឺជារៀងរាល់ថ្ងៃនាងខ្ញុំតែងតែចំណាយពេលវេលាសម្រាប់ការហាត់ប្រាណ លេងកីឡា ហែលទឹក រាំ និងសកម្មភាពមួយចំនួនដែលធ្វើឱ្យនាងខ្ញុំស្រស់ស្រាយក្នុងអារម្មណ៍។ នាងខ្ញុំទទួលទានផ្លែឈើគ្រប់ប្រភេទដើម្បីទទួលបានថាមពល និងតែផ្អែមភេសជ្ជៈបំបាត់ការស្រេកទឹក» ។
នាងប្រ៊ីតនី ស្ពៀរ ទើបតែប្រារព្ធពិធីខួបកំណើតគម្រប់៣៣ឆ្នាំ កាលពីថ្ងៃទី២ ធ្នូ ២០១៤ ជាមួយក្រុមគ្រួសារ និងមិត្តភក្តិ ។
នាងប្រ៊ីតនី ស្ពៀរ កើតថ្ងៃទី២ ធ្នូ ឆ្នាំ១៩៨១ នៅសហរដ្ឋអាមេរិក ។ នាងប្រឡូកក្នុងវិស័យសិល្បៈក្នុងឆ្នាំ១៩៩២ និងល្បីល្បាញរហូតមកដល់ពេលបច្ចុប្បន្ន។
ប្រ៊ីតនីស្ពៀររៀបការ២លើកក្នុងនោះលើកដំបូងជាមួយលោកចេសុន អាឡិចហ្សង់ឌ័រ ក្នុងឆ្នាំ២០០៤ និងប្រកាសលែងលះនៅឆ្នាំដដែល ។ បន្ទាប់មករៀបការជាមួយលោកខេវិន ហ្វេឌើឡាញ ក្នុងឆ្នាំ២០០៤ និងលែងលះក្នុងឆ្នាំ២០០៧ ៕
ចែករំលែកព័តមាននេះ