រាជធានីភ្នំពេញ ៖ មានហេតុការណ៍តឹងសរសៃ.កដាក់គ្នាមួយ បន្ទាប់ពីមានហេតុការណ៍គ្រោះថ្នាក់ចរាចរណ៍កើតឡើង រវាងម៉ូតូនិងម៉ូតូបុកគ្នា ខណៈពេលម៉ូតូមួយគ្រឿងបត់ឆ្វេង
រាជធានីភ្នំពេញ ៖ មានហេតុការណ៍តឹងសរសៃ.កដាក់គ្នាមួយ បន្ទាប់ពីមានហេតុការណ៍គ្រោះថ្នាក់ចរាចរណ៍កើតឡើង រវាងម៉ូតូនិងម៉ូតូបុកគ្នា ខណៈពេលម៉ូតូមួយគ្រឿងបត់ឆ្វេង ក៏វាក់អើជាមួយម៉ូតូមួយគ្រឿងទៀត បណ្តាលឱ្យម្ចាស់ម៉ូតូទាំង២រងរបួសធ្ងន់-ស្រាល កាលពីវេលាម៉ោង១០ និង១០នាទីយប់ថ្ងៃទី២១ ធ្នូ ២០១៤ ស្ថិតនៅចំណុចកែងផ្លូវម៉ៅសេទុង ក្នុងសង្កាត់ទឹកល្អក់១ ខណ្ឌទួលគោក ។
ទោះបីជាយ៉ាងណា យើងមិនបានស្គាល់អត្តសញ្ញាណជនរងគ្រោះទាំង២នាក់នោះទេ ព្រោះត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ ។ ចំណែកឯនៅកន្លែងកើតហេតុវិញ ត្រូវបានមិត្តភក្តិរបស់ជនរងគ្រោះទាំង២ភាគីជជែកគ្នារកខុសរកត្រូវដោយអួតអាងខ្សែរៀងៗខ្លួន ។ កម្លាំងសមត្ថកិច្ចឃើញដូច្នោះ ក៏បានយកភាគីទាំង២ទៅដោះស្រាយនៅឯខណ្ឌទួលគោកវិញ ។
ប្រភពបានឱ្យដឹងថា មុនពេលកើតហេតុ គេឃើញម៉ូតូហុងដាឌ្រីម ពាក់ស្លាកលេខភ្នំពេញ 1AZ 8400 ជិះដោយបុរសម្នាក់ ក្នុងទិសដៅពីត្បូងទៅជើងលើផ្លូវម៉ៅសេទុង លុះដល់ចំណុចកើតហេតុក៏បានបត់ឆ្វេង ពេលនោះក៏មានម៉ូតូម៉ាកហុងដាអែរប្លេកមួយគ្រឿង ពណ៌ឈាមជ្រូក ពាក់ស្លាកលេខ1Z 5405 ជិះមកចំពីមុខ ក៏វាក់អើគ្នាតែម្តង បណ្តាលឱ្យម៉ូតូទាំង២បុកគ្នាយ៉ាងពេញទំហឹង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ