ប្រាក់រង្វាន់សរុបក្របខ័ណ្ឌធំ US Open នឹងកើនដល់៥០លានដុល្លារគិតត្រឹមឆ្នាំ២០១៧ ខាងមុខ ខណៈការប្រកួតក្នុងវគ្គពាក់កណ្តាលផ្នែកបុរសនឹងផ្លាស់ទៅថ្ងៃសុក្រចាប់ពីឆ្នាំ២០១៥ តទៅ ។ ការកែប្រែនេះនឹងផ្តល់ពេលឱ្យកីឡាករបានឈប់សម្រាកមួយថ្ងៃមុនការប្រកួតក្នុងវគ្គផ្តាច់ព្រ័ត្រចាប់ផ្តើម ។
ប្រាក់រង្វាន់សរុបក្របខ័ណ្ឌធំ US Open នឹងកើនដល់៥០លានដុល្លារគិតត្រឹមឆ្នាំ២០១៧ ខាងមុខ ខណៈការប្រកួតក្នុងវគ្គពាក់កណ្តាលផ្នែកបុរសនឹងផ្លាស់ទៅថ្ងៃសុក្រចាប់ពីឆ្នាំ២០១៥ តទៅ ។ ការកែប្រែនេះនឹងផ្តល់ពេលឱ្យកីឡាករបានឈប់សម្រាកមួយថ្ងៃមុនការប្រកួតក្នុងវគ្គផ្តាច់ព្រ័ត្រចាប់ផ្តើម ។
ចាប់ផ្តើមរដូវកាលថ្មីឆ្នាំ២០១៥ ខាងមុខក្របខ័ណ្ឌ US Open នឹងបញ្ចប់ការប្រកួតជ្រើសរើសជើងឯកវាយទោលផ្នែកបុរសនៅថ្ងៃអាទិត្យសប្តាហ៍ទី២ ។ ដើម្បីអនុញ្ញាតឱ្យកីឡាករដែលឈានចូលដល់វគ្គផ្តាច់ព្រ័ត្របានឈប់សម្រាកមួយថ្ងៃ ការប្រកួតក្នុងវគ្គពាក់កណ្តាលផ្តាច់ព្រ័ត្រនឹងត្រូវធ្វើនៅថ្ងៃសុក្រ។ ដោយឡែក ការប្រកួតក្នុងវគ្គផ្តាច់ព្រ័ត្រផ្នែកនារីវិញ នឹងត្រូវធ្វើនៅថ្ងៃសៅរ៍ ។
លោក Brad Drewett ប្រធាន និងនាយកប្រតិបត្តិរបស់ US Open បាននិយាយថា ៖ «យើងស្វាគមន៍ចំពោះការប្តេជ្ញាចិត្តរបស់សមាគម USTA ទាក់ទងនឹងប្រាក់រង្វាន់សរុប US Open ពីពេលនេះរហូតដល់ឆ្នាំ២០១៧ ។ ការបង្កើននូវចំនួនទឹកប្រាក់នេះ គឺធំបំផុតពុំធ្លាប់មានក្នុងប្រវត្តិសាស្ត្រកីឡាវាយកូនបាល់ ដែលបង្ហាញនូវការបោះជំហានឆ្ពោះទៅមុខដ៏សំខាន់ក្នុងការទទួលស្គាល់យ៉ាងពិតប្រាកដនូវភាពជោគជ័យរបស់កីឡាករ/កីឡាការិនីក្នុងក្របខ័ណ្ឌ US Open ។ យើងក៏ស្វាគមន៍ផងដែរចំពោះការសម្រេចចិត្តរបស់ USTA ដែលបានកែប្រែថ្ងៃប្រកួតក្នុងវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្របុរស» ។
ចំណែកកីឡាករស្វ៊ីសរ៉ូជើ ហ្វេដឺរេ័រ ម្ចាស់ជើងឯកក្របខ័ណ្ឌធំ១៧សម័យ និងជាប្រធានក្រុមប្រឹក្សាកីឡាកររបស់ ATP បាននិយាយថា ៖ «លទ្ធផលដ៏ល្អសម្រាប់កីឡាវាយកូនបាល់នេះនឹងមិនអាចកើតមានទៅបាន បើគ្មានការបើកចំហ និងភាពត្រឹមត្រូវរបស់ប្រធាន USTA លោក Dave Haggerty និងព្រមទាំងបុគ្គលិក។ ពួកគេទាំងនេះបានដឹងពីការព្រួយបារម្ភរបស់យើង។ គ្រប់កីឡាករ/កីឡាការិនីដែលខ្ញុំបាននិយាយជាមួយ គឺសុទ្ធតែរំភើបចំពោះព័ត៌មានបង្កើនប្រាក់រង្វាន់សរុបនេះ ។ ពួកគេក៏បានសម្តែងក្តីត្រេកអរផងដែរចំពោះការកែប្រែថ្ងៃប្រកួតក្នុងវគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ ។
សូមបញ្ជាក់ថា ការប្រកួត US Open ឆ្នាំនេះបានចាប់ផ្តើមកាលពីថ្ងៃទី២៥ ខែសីហា និងបញ្ចប់នៅថ្ងៃទី៨ កញ្ញា ។ ប្រាក់រង្វាន់សរុបឆ្នាំនេះគឺ ៣៨លាន២៥ម៉ឺនដុល្លារ។ ពានជើងឯកឯកត្តជនផ្នែកបុរសបានទៅលើកីឡាករក្រូអាស៊ី Marin Čilić ខណៈផ្នែកស្ត្រីបានលើនាងស៊េរីណា វីលៀម ៕
ចែករំលែកព័តមាននេះ