សៀងហៃ ៖ ក្រុមហ៊ុនផ្តល់សេវាទូរគមនាគមន៍ធំជាងគេបំផុតរបស់ប្រទេសចិន China Mobile បានព្យាករទុកថា ខ្លួននឹងសម្រេចបាននូវអតិថិជនប្រើ4G ចំនួន២៥០លាននាក់ក្នុងឆ្នាំ២០១៥ ខាងមុខ ។
សៀងហៃ ៖ ក្រុមហ៊ុនផ្តល់សេវាទូរគមនាគមន៍ធំជាងគេបំផុតរបស់ប្រទេសចិន China Mobile បានព្យាករទុកថា ខ្លួននឹងសម្រេចបាននូវអតិថិជនប្រើ4G ចំនួន២៥០លាននាក់ក្នុងឆ្នាំ២០១៥ ខាងមុខ ។
លោក លី យៀក (Li Yue) នាយកប្រតិបត្តិរបស់ក្រុមហ៊ុនបានលើកឡើងកាលពីថ្ងៃសុក្រថា China Mobile បានដកពិសោធន៍ពីភាពខ្លាំងក្លានៃកំណើនលើមុខជំនួញ4G រួចមកហើយ ក្នុងឆ្នាំ២០១៤ ហើយក៏មានអ្នកប្រើប្រាស់ជាង៥០លាននាក់ដែរ កាលពីដំណាច់ខែតុលា ។
ដោយឡែក លោក ស៊ី គ័រហួរ (Xi Guohua) ប្រធានក្រុមហ៊ុនបានបញ្ជាក់ថា ឆ្នាំនេះ គឺជាឆ្នាំនៃការចាប់ផ្តើមនៃសម័យ4Gសម្រាប់ក្រុមហ៊ុន ។ ថ្មីៗនេះ យើងក៏មានស្ថានីយមូលដ្ឋាន4Gចំនួន៧០ម៉ឺនកន្លែងដែរ ដែលស្ថិតក្រោមការសាងសង់ដែលនឹងបញ្ចប់នៅដំណាច់ឆ្នាំ២០១៤ តែម្តង ។ ជាងនេះទៅទៀតលោកស៊ីក៏បានព្យាករផងដែរថា ក្រុមហ៊ុននឹងទទួលបានអតិថិជន4Gជិត៨០លាននាក់នៅអំឡុងពេលដំណាច់ឆ្នាំនេះ ។
សរុបមកក្រុមហ៊ុន China Mobile មានបណ្តាញពាណិជ្ជកម្មTD-LTE ចំនួន៤២ នៅទូទាំងពិភពលោក ដែលអនុញ្ញាតឱ្យអ្នកប្រើប្រាស់ដំណើរការសេវា4G បាននៅក្នុង២៦ប្រទេស ៕
ចែករំលែកព័តមាននេះ