គ្រាប់បាល់មួយគ្រាប់របស់កីឡាករ Sergio Ramos នៅនាទី៣៧ និងគ្រាប់បាល់បន្ថែម១គ្រាប់ទៀតរបស់កីឡាករខ្សែប្រយុទ្ធសញ្ជាតិវែល ហ្គារ៉េត ប៊ែល នៅនាទី៥១ បានជួយឱ្យក្រុមស្តេចដំរីស Real M បំបាក់ក្រុមជើងឯកមកពីទ្វីបអាមេរិក San Lorenzo ដោយលទ្ធផល 2-0 មានឱកាសលើកពានរង្វាន់
គ្រាប់បាល់មួយគ្រាប់របស់កីឡាករ Sergio Ramos នៅនាទី៣៧ និងគ្រាប់បាល់បន្ថែម១គ្រាប់ទៀតរបស់កីឡាករខ្សែប្រយុទ្ធសញ្ជាតិវែល ហ្គារ៉េត ប៊ែល នៅនាទី៥១ បានជួយឱ្យក្រុមស្តេចដំរីស Real M បំបាក់ក្រុមជើងឯកមកពីទ្វីបអាមេរិក San Lorenzo ដោយលទ្ធផល 2-0 មានឱកាសលើកពានរង្វាន់ក្លិបបាល់ទាត់ពិភពលោក (FIFA Club World Cup) លើកដំបូងនៅប្រទេសម៉ារ៉ុក កាលពីរាត្រីថ្ងៃសៅរ៍ ទី២០ ឆ្នាំ២០១៤ កន្លងទៅនេះ ។
នេះគឺជាការលើកពានលើកទី៤សម្រាប់ក្លិប Real M ក្នុងឆ្នាំ២០១៤ ដែលក្នុងនោះមាន ពានរង្វាន់ឆេមពានលីក, អេស្ប៉ាញខាប់, ពានរង្វាន់សុ៊បពើរខាប់ និងពានរង្វាន់ក្លិបបាល់ទាត់ពិភពលោក ហើយកំពុងធ្វើដំណើរឆ្ពោះទៅរកពានរង្វាន់បាល់ទាត់អេស្ប៉ាញព្រីមេរ៉ាលីហ្គា១ទៀត ។
ជាមួយគ្នានេះដែរ កីឡាករខ្សែការពាររ៉ាម៉ូស ទទួលបានពានរង្វាន់បាល់មាស និងពានរង្វាន់ Toyota, ខណៈកីឡាករ រ៉ូណាល់ដូ ទទួលបានពានរង្វាន់បាល់ប្រាក់ ។
ជ័យជម្នះកាលពីយប់មិញ បានធ្វើឱ្យក្លិប Real M រក្សាបានកំណត់ត្រាមិនចាញ់២២ប្រកួតជាប់ៗគ្នា លទ្ធផលនេះធ្វើឱ្យលោកអាសេឡូទីមានមោទនាភាពយ៉ាងខ្លាំង ៕
ចែករំលែកព័តមាននេះ