រាជធានីភ្នំំពេញ៖ ដើម្បីរួមចំណែកអភិវឌ្ឍន៍វិស័យកីឡាការ៉េតេដូនៅកម្ពុជា និងដើម្បីសម្រេចផែនការយុទ្ធសាស្ត្រអភិវឌ្ឍកីឡាឆ្ពោះទៅ Sea Games ឆ្នាំ២០២៣ របស់ក្រសួងអប់រំ យុវជន និងកីឡា សាលាការ៉ាតេដូ សូតូកង់កម្ពុជា បានរៀបចំកម្មវិធីបង្ហាញបច្ចេកទេសកីឡាការ៉ាតេដូ សូតូកង់ និងការប្រកួតមិត្តភាព ព្រមទាំងមានពិធីបំពាក់ខ្សែរក្រវាត់ខ្មៅកម្រិតដាន់ដល់មន្ត្រីកីឡានានា ក្រោមអធិបតីភាព លោកបណ្ឌិត ហង់ជួន ណារ៉ុន រដ្ធមន្ត្រីក្រសួងអប់រំ យុវជន និងកីឡា លោក ខៀវ កាញារីទ្ធ រដ្ធមន្ត្រីក្រសួងព័ត៌មាន លោក យូជីគូម៉ា ម៉ារុះ ឯកអគ្គរដ្ធទូតនៃប្រទេសជប៉ុន ប្រចាំកម្ពុជា លោក SHIBUYA TAKASHI ដែលជាគ្រូធំក្នុង សហព័ន្ធកីឡាការ៉ាតេដូជប៉ុន ព្រមទាំងមន្ត្រីកីឡាសំខាន់ៗ និងកីឡាករ កីឡាការិនីជាច្រើនរយនាក់ទៀតចូលរួម។
ពិធីដែលធ្វើឡើងក្នុងវិមាននៃពហុកីឡដ្ធានជាតិនាព្រឹកថ្ងៃទី២១ ធ្នូ ២០១៤នោះ មានកីឡាករ កីឡាការិនី និងសិស្សានុសិស្សចំនួន៣០០នាក់មកពីក្លិបចំនួន២០ បានចូលរួមសម្តែង និងអបអរសាទដល់ការសម្តែងក៏ដូចជាការបំពាក់ខ្សែក្រវាត់ថ្នាក់ដាន់ផងដែរ។
ក្រៅពីការប្រកួត និងសម្តែងរបស់កីឡាករ កីឡាការិនី ដែលមានទាំងក្មេងអាយុក្រោម១០ឆ្នាំ ក្មេងជំទង់ និងមនុស្សពេញវ័យលើប្រភេទវិញ្ញាសាសម្តែងកាតា តិចគីសូដាន់, កាតាជាក្រុម, កាតាហ្ស៊ីយ៉ុង , កាតាហ្គង់កាគូ, កាតាសូជីន, កាតាបាស់សៃដៃ, កាតាអ៊ែមពី និងកាតាប្រយុទ្ធជាដើមនោះ ក៍៏មានពិធីប្រគល់សញ្ញាបត្រថ្នាក់ដាន់ និងការ៉ាតេហ្គី( ខោអាវការ៉ាតេ)ដល់រដ្ធមន្ត្រីសំខាន់ៗដូចជា លោក សុខ ស៊ីផាន់ណា សញ្ញាបត្រ៥ដាន់ និង លោក ហង់ជួន ណារ៉ុន ដែលទទួលបានកម្រិតខ្សែក្រវាត់ខ្មៅ២ដាន់ដែរនោះ ក៍៏ទទួលបានសម្លៀកបំពាក់ការ៉ាតេ និងមនុស្ស១៥នាក់ផ្សេងទៀតក៏ទទួលបានផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ