រាជធានីភ្នំពេញ ៖ ព្រឹត្តិការណ៍បាល់ទាត់ Sponsor Futsal-Cup ស្វែងរកក្រុមខ្លាំងដើម្បីលើកពាននោះ បានឈានចូលដល់វគ្គផ្តាច់ព្រ័ត្រហើយ បន្ទាប់ពីរកឃើញក្រុមខ្លាំងប្រចាំមណ្ឌលទាំង៤ មានរាជធានីភ្នំពេញ, បាត់ដំបង, សៀមរាប និងខេត្តព្រះសីហនុ ដោយមណ្ឌលនីមួយៗជ្រើសរើសយក២ក្រុម គឺ
រាជធានីភ្នំពេញ ៖ ព្រឹត្តិការណ៍បាល់ទាត់ Sponsor Futsal-Cup ស្វែងរកក្រុមខ្លាំងដើម្បីលើកពាននោះ បានឈានចូលដល់វគ្គផ្តាច់ព្រ័ត្រហើយ បន្ទាប់ពីរកឃើញក្រុមខ្លាំងប្រចាំមណ្ឌលទាំង៤ មានរាជធានីភ្នំពេញ, បាត់ដំបង, សៀមរាប និងខេត្តព្រះសីហនុ ដោយមណ្ឌលនីមួយៗជ្រើសរើសយក២ក្រុម គឺក្រុមចំណាត់ថ្នាក់លេខ១ និងលេខ២សម្រាប់ឡើងមកលេងផ្តាច់ព្រ័ត្រឯរាជធានីភ្នំពេញ នៅថ្ងៃទី២០ ធ្នូ លើទីលាន REAL Soccer ។
ការប្រកួតត្រូវបានបែងចែកជា២ពូលក្នុងមួយពូលមាន៤ក្រុម ។ សម្រាប់ពូល A មានក្រុម Victory FC ជាក្រុមចំណាត់ថ្នាក់លេខ១ មណ្ឌលរាជធានីភ្នំពេញ, ក្រុម AFB 88 ជាក្រុមចំណាត់ថ្នាក់លេខ១ មណ្ឌលសៀមរាប, ក្រុម Hand ជាក្រុមចំណាត់ថ្នាក់លេខ២ មណ្ឌលបាត់ដំបង និងក្រុមកងរាជអាវុធហត្ថខេត្តកំពតជាក្រុមចំណាត់ថ្នាក់លេខ២ មណ្ឌលព្រះសីហនុ ។ ពូល B មានក្រុមសម្ព័ន្ធគណៈកម្មាធិការសម្របសម្រួលនិស្សិតបញ្ញវ័ន្តកម្ពុជា ជាក្រុមចំណាត់ថ្នាក់លេខ១ មណ្ឌលបាត់ដំបង, ក្រុម KSP 855 ជាក្រុមចំណាត់ថ្នាក់លេខ១ មណ្ឌលព្រះសីហនុ, ក្រុម Daniel A ជាក្រុមចំណាត់ថ្នាក់លេខ២មណ្ឌលរាជធានីភ្នំពេញ និងក្រុមអវតារ FC ជាក្រុមចំណាត់ថ្នាក់លេខ២មណ្ឌលសៀមរាប ។
វគ្គ៨ក្រុមចុងក្រោយនេះមាន១៦ប្រកួត គឺការប្រកួតវគ្គជម្រុះក្នុងពូលមាន១២ប្រកួត វគ្គពាក់កណ្តាលផ្តាច់ព្រ័ត្រមាន២ប្រកួតវគ្គដណ្តើមយកចំណាត់ថ្នាក់លេខ៣ មាន១ប្រកួត និងវគ្គដណ្តើមយកចំណាត់ថ្នាក់លេខ១មាន១ប្រកួត។ សម្រាប់ក្រុមជើងឯកបានទទួលពានមួយអមដោយប្រាក់រង្វាន់៨លានរៀល, ចំណាត់ថ្នាក់លេខ២ទទួលបានប្រាក់រង្វាន់៦លានរៀល, ចំណាត់ថ្នាក់លេខ៣ ទទួលបានប្រាក់រង្វាន់៤លានរៀល និងចំណាត់ថ្នាក់លេខ៤ដល់លេខ៨ ទទួលបានរង្វាន់លើកទឹកចិត្តចំនួន២លានរៀលក្នុងមួយក្រុមៗ ។ មិនតែប៉ុណ្ណោះ ក្រុមដែលឡើងមកដល់វគ្គ៨ក្រុមចុងក្រោយនេះ នឹងទទួលបានភេសជ្ជៈ Sponsor ក្នុងមួយក្រុមៗចំនួន៦កេសស្មើៗគ្នា ។
ចាំមើល ថាតើក្រុមមួយណាជាម្ចាស់ពាន Sponsor Futsal-Cup នារដូវកាលនេះ ?
ចែករំលែកព័តមាននេះ