ខេត្តព្រះវិហារ ៖ ក្រុមអ្នកភូមិនិងអាជីវករនៅខេត្តព្រះវិហារបាននិយាយរអ៊ូរទំាថា នៅកម្ពុជា ភ្លើងដែលថ្លៃជាងគេមានតែខេត្តព្រះវិហារ គឺ១គីឡូវ៉ាត់២៤០០រៀល ហើយកុងទ័រភ្លើងនោះទៀត ដើរលឿនខុសប្រក្រតីកើនឡើងពី២ទៅ៣ដង ។
ខេត្តព្រះវិហារ ៖ ក្រុមអ្នកភូមិនិងអាជីវករនៅខេត្តព្រះវិហារបាននិយាយរអ៊ូរទំាថា នៅកម្ពុជា ភ្លើងដែលថ្លៃជាងគេមានតែខេត្តព្រះវិហារ គឺ១គីឡូវ៉ាត់២៤០០រៀល ហើយកុងទ័រភ្លើងនោះទៀត ដើរលឿនខុសប្រក្រតីកើនឡើងពី២ទៅ៣ដង ។
ក្រុមអ្នកភូមិបានលើកហេតុផលឲ្យដឹងទៀតថា នៅក្នុងផ្ទះរបស់ពួកគាត់ គាត់គ្មានប្រើបា្រស់ទូរទឹកកក ឬ ម៉ាស៊ីនត្រជាក់នោះទេ គឺមានតែទូរទស្សន៍១ កង្ហារ១ទៅ២គ្រឿង និង អំពូលភ្លើង២ទៅ៣ គាត់ធ្លាប់ប្រើអស់តែ២៩គីឡូវ៉ាត់ លុះចូលដល់ខែ វិច្ឆិកា និងធ្នូ ២០១៤នេះ ស្រាប់តែកុងទ័រភ្លើងឡើងដល់ជាង៨០គីឡូវ៉ាត់ និង ភ្លើងឧស្សាហ៍ដាច់ថែមទៀត ។
ចំណែកអ្នកលក់បាយ កាហ្វេ និងគុយទាវមួយរូប បាននិយាយស្រដៀងគ្នាដែរថា ហាងគាត់ប្រើតែទូរទស្សន៍មួយគ្រឿង កង្ហារ១ និងអំពូលភ្លើង២ប៉ុណ្ណោះ ដោយនៅខែមុនៗគាត់ប្រើអស់ចន្លោះពី២៩ទៅ៣១គីឡូវ៉ាត់ ស្រាប់តែនៅខែវិច្ឆិកាកន្លងទៅ ខាងមន្រ្តីអគ្គិសនីយកវិក័យបត្រឲ្យ មើលទៅភ្ញាក់ខ្លួនព្រើត គឺឃើញប្រើអស់៨៤គីឡូវ៉ាត់ ។
ក្រុមអ្នកភូមិនិងអាជីវករបានសំណូមពរឲ្យបញ្ចុះតម្លៃភ្លើងមកត្រឹម១៥០០រៀល ព្រោះតម្លៃប្រេងសំាងក៍មានការធ្លាក់ថ្លៃដែរ ហើយក៍សូមឲ្យខាងអគ្គិសនីចុះមកពិនិត្យកុងទ័រឡើងវិញ បើមិនដូច្នោះពលរដ្ឋនឹងចោទខាងអគ្គិសនីជញ្ជក់ញើសឈាមពួកគាត់ និងធ្វើការតវ៉ានៅពេលណាមួយ ។
ពាក់ព័ន្ឋនឹងការលើកឡើងរបស់ប្រជាពលរដ្ឋនិងអាជីវករខាងលើ កោះសន្តិភាពបានព្យាយាមសុំការបំភ្លឺតបពីលោក បុរាណ អយុធ្យា អ្នកគ្រប់គ្រងអគ្គិសនីខេត្ត តាមរយៈទូរស័ព្ទលេខ០១១ ៥១១ ១៥៥ ប៉ុន្តែមានអ្នកលើកបា្រប់ថា ច្រឡំលេខរួចក៍បិទទូរស័ព្ទ ។
ចំណែកលោក គង់ មករា ប្រធានមន្ទីររ៉ែនិងឋាមពលខេត្តព្រះវិហារបានប្រាប់ឲ្យដឹងកាលពីរសៀលថ្ងៃទី១៦ធ្នូថា បើប្រជាពលរដ្ឋដែលមានបញ្ហាថ្លៃភ្លើង ឬ កុងទ័រដើរលឿន សុំឲ្យពួកគាត់ធ្វើពាក្យបណ្តឹងផ្តិតស្នាមមេដៃដាក់ចូលមកខាងមន្ទីរ ព្រោះមន្ទីររ៉ែនិងឋាមពល គ្មានសិទ្ឋិចុះត្រួតពិនិត្យបញ្ហានេះឡើយ មានតែខាងអាជ្ញាធរអគ្គិសនីកម្ពុជាប៉ុណ្ណោះ ដែលមានជំនាញផ្នែកនេះ ៕
ចែករំលែកព័តមាននេះ