រាជធានីភ្នំពេញ ៖ ម៉ូតូពីរគ្រេឿងបុកគ្នានៅផ្លូវបែកជាបួនបណ្តាលឲ្យបុរសពីរនាក់រងរបួសធ្ងន់ ដែលហេតុការណ៍នេះបានកើតឡើងកាលពីម៉ោងជិត១១យប់ ថ្ងៃទី២០ ខែធ្នូ ឆ្នាំ២០១៤ នៅតាមផ្លូវលេខ១៨២ កែងផ្លូវលេខ២៦៥ ស្ថិតក្នុងសង្កាត់ទឹកល្អក់៣ ខណ្ឌទួលគោក ។
រាជធានីភ្នំពេញ ៖ ម៉ូតូពីរគ្រេឿងបុកគ្នានៅផ្លូវបែកជាបួនបណ្តាលឲ្យបុរសពីរនាក់រងរបួសធ្ងន់ ដែលហេតុការណ៍នេះបានកើតឡើងកាលពីម៉ោងជិត១១យប់ ថ្ងៃទី២០ ខែធ្នូ ឆ្នាំ២០១៤ នៅតាមផ្លូវលេខ១៨២ កែងផ្លូវលេខ២៦៥ ស្ថិតក្នុងសង្កាត់ទឹកល្អក់៣ ខណ្ឌទួលគោក ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់បើកម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០១១ ពាក់ស្លាកលេខតាកែវ1F.1393 បើកតាមផ្លូវលេខ១៨២ ក្នុងទិសដៅពីកើតទៅលិច ចំណែកភាគីម្ខាងទៀតបើកម៉ូតូម៉ាកហុងដាស្គូពី ពាក់ស្លាកលេខភ្នំពេញ1AS.8209 បើកតាមផ្លូវលេខ២៦៥ ក្នុងទិសដៅពីជើងទៅត្បូង ខណៈមកដល់ចំណុចកើតហេតុម៉ូតូទាំងពីរគ្រេឿងបានបុកគ្នាពេញទំហឹង បណ្តាលឱ្យអ្នកបើកម៉ូតូស្គូពីសន្លប់ស្តូកស្តឹងនៅកន្លែងកើតហេតុ ចំណែកអ្នកបើកម៉ូតូសេ១២៥ បានរងរបួសបែកមុខហូរឈាមស្រោចខ្លួន។
ក្រោយពេលកើតហេតុជនរងគ្រោះត្រូវបានរថយន្តសាមុយដឹកទៅសង្គ្រោះនៅគ្លីនិកឃឹមរ៉ានី រីឯជនរងគ្រោះម្នាក់ទៀតមិនបានឡើងរថយន្តសង្គ្រោះនោះទេ បានបើកម៉ូតូរបស់មិត្តភក្តិចេញពីកន្លែងកើតហេតុបានបន្តិចបានដួលម៉ូតូម្តងទៀងបណ្តាលឲ្យរងរបួសហូរឈាមតាមត្រចៀកបន្ថែមទៀត ត្រូវបានរថយន្តសាមុយដឹកទៅសង្គ្រោះនៅគ្លីនិកឃឹមរ៉ានី ។ ម៉ូតូទាំងពីរគ្រេឿងត្រូវបានសមត្ថកិច្ចជំនាញចរាចរវាស់វែងយកទៅរក្សាទុកនៅអធិការដ្ឋាននគរបាលខណ្ឌទួលគោករងចាំដោះស្រាយគ្នាជាក្រោយ។
ចែករំលែកព័តមាននេះ