រាជធានីភ្នំពេញ ៖ និស្សិតម្នាក់បើកម៉ូតូជូនមិត្តភក្តិត្រឡប់ទៅផ្ទះត្រូវក្រុមចោរប្រដាប់អាវុធមួយក្រុមមានគ្នា៣នាក់បានមកស្ទាក់ផ្លូវភ្ជង់ប្លន់យកម៉ូតូបានសម្រេច ហើយជិះគេចខ្លួនទៅជួបប្រទះនិងកម្លាំងអន្តរាគមន៍ខណ្ឌសែនសុខដែលកំពុងត្រួតអាវុធជាតិផ្ទុះ ពេលនោះក្រុមចោរភ័យក៏ជិះម៉ូតូគេចខ្លួនធ្វើឱ្យកម្លាំងសមត្ថកិច្ចសង្ស័យក៏បានជិះម៉ូតូដេញតាមយកម៉ូតូរបស់របស់ជនរងគ្រោះបានមកវិញតែជនរងគ្រោះបានប្លោះរបងសាលារៀនគេចខ្លួនបាត់។
ហេតុការណ៍នេះកើតឡើងកាលពីវេលាម៉ោងម៉ោង២ និង២០នាទីអាធ្រាត្រ ឈានចូលថ្ងៃទី២១ធ្នូ ២០១៤ នៅចំណុចនៅទល់មុខស្ថានីយ៍ទូរទស្សន៍អាស៊ីអាគ្នេយ៍ តាមបណ្តោយផ្លូវណតប្រ៊ីត ស្ថិតក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។ ជនរងគ្រោះឈ្មោះ លី សុគន្ធារ៉ា ភេទប្រុស អាយុ២៣ឆ្នាំ ជានិស្សិតឆ្នាំទី២ ជំនាញព័ត៌មានវិទ្យា ជិះម៉ូតូម៉ាកហុងដាឌ្រីម សេ១២៥ ព៌ណ៌ខ្មៅមួយគ្រឿង ពាក់ស្លាកលេខភ្នំពេញ1BY-2881 ។
ប្រភពព័ត៌មានពីជនរងគ្រោះបានប្រាប់អ្នកយកព័ត៌មានឱ្យដឹងថា មុនពេលកើតហេតុយុវជនរងគ្រោះបានបើកម៉ូតូហុងដាឌ្រីមសេ១២៥ ព៌ណ៌ខ្មៅមួយគ្រឿង ពាក់ស្លាកលេខភ្នំពេញ1BY-2881 ចេញពីកម្មវិធីជប់លាងនៅច្បារអំពៅ ដោយបើកម៉ូតូជូនមិត្តភក្តិត្រឡប់ទៅផ្ទះវិញនៅខណ្ឌសែនសុខ ។ ខណៈពេលធ្វើដំណើរមកដល់ចំណុចកើតហេតុក៏បានជួបប្រទះនិងក្រុមចោរមួយក្រុមមកស្ទាក់ផ្លូវបុរសរងគ្រោះ និង មិត្តភក្តិភ្ជង់ប្លន់យកម៉ូតូហុងដាឌ្រីមជនរងគ្រោះបានសម្រេច ហើយជិះគេចខ្លួនតែសំណាងអាក្រក់ ក្រុមចោរជិះជិះម៉ូតូជនរងគ្រោះទៅជួបប្រទះនិងកម្លាំងអន្តរាគមន៍ខណ្ឌសែនសុខដែលដឹកនាំដោយលោកម៉ក់ ហុង អធិការខណ្ឌសែនសុខ កំពុងបើកប្រតិបត្តិការត្រួតពិនិត្យអាវុធជាតិផ្ទុះ ឃើញដូចនេះក្រុមចោរភ័យក៏ជិះម៉ូតូគេចខ្លួនធ្វើឱ្យកម្លាំងសមត្ថកិច្ចសង្ស័យក៏បានជិះម៉ូតូដេញតាមពីក្រោយក្រុមចោរយ៉ាងប្រកៀកប្រកិតគ្នា ។ ដោយសារតែក្រុមចោរភ័យខ្លាចសមត្ថកិច្ចជិះម៉ូតូដេញតាមទាន់នោះ ក្រុមចោរបានបន្ថែមល្បឿនម៉ូតូបើកគេចខ្លួនក៏ជ្រុលទៅបុករបងសាលាម៉ាយ៉ាឌីកូ បណ្តាលឱ្យម៉ូតូខូចខាតមួយកំណាត់មុខ ហើយក្រុមចោរបានរត់ឡើងប្លោះរបងចូលក្នុងសាលាម៉ាយ៉ាឌីកូនោះដើម្បីគេចខ្លួនពីសមត្ថកិច្ចកិច្ច។
ក្រោយពេលកើតហេតុសមត្ថកិច្ចបានយកម៉ូតូជរងគ្រោះត្រឡប់មកវិញបាន និងបានធ្វើការឡោមព័ទ្ធចាប់ខ្លួនជនសង្ស័យរហួតមកដល់វេលាម៉ោង៣និង៣០នាទីទៀបភ្លឺនេះមិនទាន់ចាប់បានក្រុមចោរនៅឡើយទេ ។
ចែករំលែកព័តមាននេះ