ខេត្តត្បូងឃ្មុំ ៖ ស្ត្រីម្នាក់ឈ្មោះគង់ ស្រីម៉ៅ អាយុ៥១ឆ្នាំ ស្ថិតនៅភូមិចំការគរ ឃុំដារ ស្រុកមេមត់ បានភ្លាត់ស្នៀតត្រូវចោរយួន២នាក់ មកបន្លំលួចយកលុយអស់ចំនួនជាង១០លានរៀល
ខេត្តត្បូងឃ្មុំ ៖ ស្ត្រីម្នាក់ឈ្មោះគង់ ស្រីម៉ៅ អាយុ៥១ឆ្នាំ ស្ថិតនៅភូមិចំការគរ ឃុំដារ ស្រុកមេមត់ បានភ្លាត់ស្នៀតត្រូវចោរយួន២នាក់ មកបន្លំលួចយកលុយអស់ចំនួនជាង១០លានរៀល ដែលហេតុការណ៍នេះកើតឡើងកាលពីវេលាម៉ោង០៣រសៀលថ្ងៃទី១៩ ២០១៤ រួចពួកជនសង្ស័យនាំគ្នាជិះម៉ូតូវ៉េវ១គ្រឿងព្យាយាមគេចខ្លួន តែត្រូវកម្លាំងសមត្ថកិច្ច និងប្រជាពលរដ្ឋជាច្រើននាក់ជួយដេញតាមប៉ផាប់ចាប់ប៉ភីងបានទាំង២នាក់ ដោយដកហូតប្រាក់គ្រប់ចំនួនប្រគល់ឱ្យម្ចាស់ដើមវិញ ។
ប្រភពបានឱ្យដឹងថា ជនសង្ស័យដែលសមត្ថកិច្ចឃាត់ខ្លួន ១-ឈ្មោះផាម វ៉ាន់ដុង ភេទប្រុស អាយុ៥០ឆ្នាំ ស្នាក់នៅបណ្តោះអាសន្នផ្ទះសំណាក់អូរឡាំពិក រាជធានីភ្នំពេញ ២-ឈ្មោះជា សុខរ៉ា ភេទប្រុស អាយុ៣២ឆ្នាំ រស់នៅភូមិដើមចាន់ សង្កាត់និរោធន៍ ខណ្ឌច្បារអំពៅ រាជធានីភ្នំពេញ ដោយដកហូតបានម៉ូតូវ៉េវ១គ្រឿង ដែលជាមធ្យោបាយជិះប្រព្រឹត្តបទល្មើស
ប្រភពបន្តថា ដំបូងជនសង្ស័យទាំង២នាក់នោះ បានយកលុយចំនួន២.៤០០ដុល្លារទៅដូរយកលុយខ្មែរ ហើយស្ត្រីម្ចាស់ផ្ទះបានហុចលុយខ្មែរចំនួន១០លាន និង៤ម៉ឺនរៀល ឱ្យទៅជនជាតិវៀតណាមនោះ ហើយបែរជាឈ្មោះសុខ រ៉ា បាននិយាយថា លុយរបស់គេចំនួន២.៥០០ដុល្លារទៅវិញ ។ រួចស្ត្រីឈ្មោះស្រីម៉ៅ ឱ្យលុយទៅជនទាំង២នាក់រាប់ឡើងម្តងទៀត តែដោយសារឃើញឱកាសហុចឱ្យ ទើបក្រុមកំហូចវៀតណាមប្រញាប់ឡើងជិះម៉ូតូរត់គេចខ្លួនបង្កឱ្យមានការភ្ញាក់ផ្អើលដល់សមត្ថកិច្ចតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ