ប្រមុខក្រុមរដ្ឋអ៊ិស្លាមច្រើននាក់ត្រូវសម្លា.ប់នាពេលថ្មីៗនេះក្នុងការវាយប្រហារតាមអាកាសនានារបស់អាមេរិកនៅភាគខាងជើងអីុរ៉ាក់ ដែលនៅទីនោះពួកយុទ្ធជនឃើតបានបំបែកកាលពីថ្ងៃទី១៨ ធ្នូ ការឡោមព័ទ្ធរបស់ពួកជីហាដនៅភ្នំ SINJAR ។
ប្រមុខក្រុមរដ្ឋអ៊ិស្លាមច្រើននាក់ត្រូវសម្លាប់នាពេលថ្មីៗនេះក្នុងការវាយប្រហារតាមអាកាសនានារបស់អាមេរិកនៅភាគខាងជើងអីុរ៉ាក់ ដែលនៅទីនោះពួកយុទ្ធជនឃើតបានបំបែកកាលពីថ្ងៃទី១៨ ធ្នូ ការឡោមព័ទ្ធរបស់ពួកជីហាដនៅភ្នំ SINJAR ។
នេះជាការវាយបកសំខាន់២ ទទួលរងដោយក្រុមរដ្ឋអ៊ិស្លាមដែលដណ្តើមកាន់កាប់ដែនដីអីុរ៉ាក់យ៉ាងធំ ចាប់តាំងពីខែមិថុនាមក ក្នុងនោះរួមមានទីក្រុងធំទី២ របស់ប្រទេស គឺក្រុងម៉ូសស៊ូល ខណៈក្រុមនេះក៏កាន់កាប់តំបន់យ៉ាងធំក្នុងប្រទេសស៊ីរីផងដែរ ។
ក្នុងសេចក្តីប្រកាសមួយ ឧត្តមនាវី JOHN KIRBY អ្នកនាំពាក្យរបស់មន្ទីរប៉ង់តាហ្គោននិយាយថា ខ្ញុំអាចបញ្ជាក់ថា ចាប់តាំងពីពាក់កណ្តាលខែវិច្ឆិកាមក ការវាយប្រហារតាមអាកាសរបស់ក្រុមចម្រុះអន្តរជាតិអាចសម្លាប់មេដឹកនាំជាន់ខ្ពស់ និងអ្នកទទួលខុសត្រូវឯទៀតៗរបស់ក្រុមរដ្ឋអ៊ិស្លាមជាច្រើននាក់ ។
យោងតាមអ្នកទទួលខុសត្រូវអាមេរិកដែលមិនបញ្ចេញឈ្មោះម្នាក់ថា ក្នុងចំណោមមេដឹកនាំក្រុមរដ្ឋអ៊ិស្លាមដែលត្រូវសម្លាប់ទាំងនេះមានជាពិសេសលោក HAJI MOUTAZA លោក ABOU MUSLIM AL TOURKMANT ដែលជាអនុរបស់ប្រមុខក្រុមរដ្ឋអ៊ិស្លាម លោកអាប៊ូបាក់អាល់ បាក់ដាឌី ព្រមទាំងលោក ADB AL BASSET ។
ក្រុមចម្រុះបានបង្កើនការវាយលុករបស់ខ្លួនប្រឆាំងពួកជីហាដនៃក្រុមរដ្ឋអ៊ិស្លាម ពិសេសតាំងពីដើមសប្តាហ៍នេះមកជាមួយនឹងការចេញវាយប្រហារតាមអាកាស៦០លើកនៅភាគខាងជើងអុីរ៉ាក់ ជួយទ្រទ្រង់ពិសេសដល់ពួកយុទ្ធជនឃើត ។
ចំណែកលោក MASROUR BARZANI ប្រធានក្រុមប្រឹក្សាសន្តិសុខតំបន់ស្វយ័តឃើតឌីស្ថានថ្លែងប្រាប់ក្រុមអ្នកកាសែតថា ពួកយុទ្ធជនឃើតបានឡើងទៅដល់ភ្នំ SINJAR ហើយការឡោមព័ទ្ធភ្នំនេះដោយពួករដ្ឋអ៊ិស្លាមត្រូវបំបែក។ លោកថា ពួកជីហាដទទួលបរាជ័យនៅភ្នំ SINJAR ហើយរត់គេចខ្លួនទៅកាន់បណ្តាទីតាំងពួកគេនៅភាគខាងជើងប្រទេស ។
ដោយសារពួករដ្ឋអ៊ិស្លាមវាយយកបានទីក្រុង SINJAR កាលពីខែសីហា និងការរត់ភៀសខ្លួនរបស់ពួកយ៉ាហ្ស៊ីឌី ទៅកាន់ភ្នំមានឈ្មោះដូចគ្នានេះ ដែលជំរុញឱ្យអាមេរិកចាប់ផ្តើមកាលពីខែសីហា នូវយុទ្ធនាការវាយប្រហារតាមអាកាសដើម្បីទប់ការរុលទៅមុខរបស់ពួករដ្ឋអ៊ិស្លាម ។
យោងតាមអ្នកទទួលខុសត្រូវរបស់ពួកឃើតអុីរ៉ាក់ លោក MASROUR BARZANI ថា ការវាយលុកធំរបស់ពួកឃើតនេះអាចដណ្តើមកាន់កាប់វិញនូវដែនដីទំហំ៧០០គីឡូម៉ែត្រក្រឡា រយៈពេលតែ២ថ្ងៃ ហើយកាត់ផ្តាច់ផ្លូវផ្គត់ផ្គង់គន្លឹះទាំងឡាយប្រើប្រាស់ដោយក្រុមរដ្ឋអ៊ិស្លាម ។
រូបភាពនានាផ្សាយដោយរដ្ឋាភិបាលស្វយ័តឃើតឌីស្ថាន បង្ហាញខ្មោចរថយន្តទាំងឡាយដែលត្រូវភ្លើងឆេះរបស់ក្រុមរដ្ឋអ៊ិស្លាម ព្រមទាំងទង់ពណ៌ខ្មៅរបស់ពួកជីហាដនៅលើបណ្តាទីតាំងដែលពួកគេបោះបង់ចោល ៕
ចែករំលែកព័តមាននេះ