រាជធានីភ្នំពេញ ៖ ប៉ូលិសការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យពីរនាក់ ពាក់ព័ន្ឋនឹងករណីគប់គ្រាប់បែកដៃចូលទៅក្នុងផ្ទះមួយកន្លែង ស្ថិតនៅតាមបណ្តោយផ្លូវ២១៥ ក្រុម៥ ក្នុងភូមិសែនសុខ២ សង្កាត់ឃ្មួញកាលពីព្រលប់ថ្ងៃទី០៩ តុលា ២០១៤ បណ្តាលឲ្យមនុស្សម្នាក់ស្លាប់ និង របួសធ្ងន់ស្រាល៥នាក់ផ្សេងទៀត ។
ជនសង្ស័យដែលសមត្ថកិច្ចឃាត់ខ្លួនកាលពីម៉ោង១២និង៣០នាទីរំលងអធ្រាត្រឈានចូលថ្ងៃទី១៩ ធ្នូ ២០១៤ រួមមាន៖ ០១-ឈ្មោះ ភី ណុប ភេទប្រុស អាយុ៤៦ឆ្នាំ មានតួនាទីជាចៅសង្កាត់គោករកា ខណ្ឌព្រែកព្នៅ ស្នាក់នៅភូមិសែនសុខ២ តាមផ្លូវបេតុង ក្នុងសង្កាត់ឃ្មួញ (ឃាត់ខ្លួននៅទំនប់កប់ស្រូវ សង្កាត់គោករកា ) ។
០២-ឈ្មោះ ពៅ ប៊ុនធឿន ភេទប្រុស អាយុ២៣ឆ្នាំ ជាប្រធានសហគមន៍អណ្តូង៦ ស្នាក់នៅក្នុងភូមិអណ្តូង៦ សង្កាត់គោករកា (ឃាត់ខ្លួននៅទំនប់កប់ស្រូវ សង្កាត់គោករកា )។
បច្ចុប្បន្ន ជនសង្ស័យទំាងពីរនាក់កំពុងឃុំខ្លួននៅការិយាល័យប៉ូលិសព្រហ្មទណ្ឌកម្រិតធ្ងន់នៃស្នងការដ្ឋាននគរបាលរាជធានីភ្នំពេញ រង់ចំាកសាងសំណុំរឿងបញ្ជូនទៅតុលាការចាត់ការតាមច្បាប់ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ