រាជធានីភ្នំពេញ ៖ Samsung Tech Institute ជាថ្នាក់បណ្តុះបណ្តាលជំនាញបច្ចេកទេស ជួសជុលទូរស័ព្ទដៃទំនើប សាមសុង ស្មាតហ្វូន ត្រូវបានបញ្ចប់វគ្គជាមួយលទ្ធផលប្រកបដោយផ្លែផ្កាតាមរយៈការយកចិត្តទុកដាក់ និងខិតខំប្រឹងប្រែង សិស្សនិស្សិតទាំងអស់បានសម្រេច គោលដៅរបស់ពួកគេដោយទទួលបានលទ្ធផលសិក្សាគួរជាទីគាប់ចិត្ត ដែលជាធនធានដ៏មានសក្តានុពលសម្រាប់អនា គតការងារដ៏ភ្លឺស្វាង ក៏ដូចជាបង្កើនធនធានមនុស្សដល់សង្គមជាតិទាំងមូលផងដែរ ។
សិស្សឆ្នើមចំនួន 5 រូបដែលបានបញ្ចប់ក្នុវគ្គបណ្តុះបណ្តាលនេះមានឈ្មោះដូចជា៖ និស្សិត ថា វេហា, និស្សិត ណេង បូរ៉ា, និស្សិត លី វណ្ណណយ, និស្សិត ហ៊ួរ ប៊ុនឡេង និងនិស្សិត ទុម បូរិទ្ធ ដែលក្រុមនិស្សិតទាំងនេះ ត្រូវបានជ្រើសរើសដើម្បីបំពេញវគ្គសាកល្បងការងាររយៈពេល 3 ខែ នៅការិយាល័យបម្រើសេវាអតិថិជន Samsung សាខារាជធានីភ្នំពេញ ហើយពួកគេទាំងនោះនឹងមានឱកាសក្លាយជាបុគ្គលិក ពេញសិទ្ធិពីក្រុមហ៊ុន Samsung ផងដែរ។
លោក លី វណ្ណណយ និស្សិតឆ្នើមម្នាក់របស់វគ្គបណ្តុះបណ្តាល Samsung Tech Institute ជំនាន់ទី១នេះ បានឲ្យដឹងថា “ខ្ញុំសូមថ្លែងអំណរគុណយ៉ាងជ្រាល ជ្រៅដល់ក្រុមហ៊ុន Samsung សម្រាប់កិច្ចសហប្រតិបត្តិការដ៏ល្អជាមួយវិទ្យាស្ថានជាតិពហុបច្ចេក ទេសកម្ពុជា ក្នុងការនាំមកនូវវគ្គបណ្តុះបណ្តាល Samsung Tech Institute សម្រាប់សិស្សនិស្សិតទាំងអស់របស់វិទ្យាស្ថាន។ វគ្គបណ្តុះបណ្តាលនេះផ្តល់ឲ្យយើងខ្ញុំនូវ ចំណេះដឹងផ្នែកបច្ចេកវិជ្ជាទូរស័ព្ទទំនើបជាច្រើនទាំងផ្នែកកម្មវិធី និងគ្រឿងបន្លាស់សម្រាប់ជា ធនធានដើម្បីកសាង និងពង្រឹងសមត្ថភាពផ្ទាល់ខ្លួនក្នុងការប្រកួតប្រជែងក្នុងទីផ្សារការងារ។
ចែករំលែកព័តមាននេះ