ដើម្បីអបអរសាទរដល់បុណ្យគ្រិស្តម៉ាស និងឆ្នាំថ្មី ដែលនឹងឈានចូលមកដល់ក្នុងពេលខាងមុខ ក្រុមហ៊ុន Huawei ដែលជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និង បច្ចេកវិជ្ជាទូរគមនាគមន៍ (ICT)
ដើម្បីអបអរសាទរដល់បុណ្យគ្រិស្តម៉ាស និងឆ្នាំថ្មី ដែលនឹងឈានចូលមកដល់ក្នុងពេលខាងមុខ ក្រុមហ៊ុន Huawei ដែលជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និង បច្ចេកវិជ្ជាទូរគមនាគមន៍ (ICT) ដ៏ឈានមុខគេ និងជាក្រុមហ៊ុនទូរស័ព្ទស្មាតហ្វូនដ៏ធំលំដាប់លេខ៣លើពិភពលោក បានដាក់បង្ហាញទូរស័ព្ទស្មាតហ្វូនថ្មីបំផុតរបស់ខ្លួន Mate 7 Gold(ម៉េតសេវិន ហ្គូល) Ascend G7(អេសែនជី សេវិន) និង Honor 6(ហូនូស៊ិច) នៅ Fashion TV ក្នុងសណ្ឋាគារ ណាហ្គាវើល កាលពីថ្ងៃទី ១៨ ខែធ្នូ ឆ្នាំ២០១៤ ។
ភ្ញៀវកិត្តិយស ដែលមានវត្តមាននៅក្នុងកម្មវិធីនេះ រួមមាន កញ្ញា មាស សុខសោភា តារាចម្រៀងដ៏មានប្រជាប្រិយភាពប្រចាំប្រទេសកម្ពុជា តារាម៉ូដែល តារាសម្តែង ក៏ដូចជាតំណាងប្រព័ន្ធផ្សព្វផ្សាយនានា ក្រុមហ៊ុនចែកចាយ និងពាណិជ្ជករ អាជីវករជាច្រើនរូបទៀតប្រមាណ១២០នាក់។
លោក លី ស៊ីយ៉ាំង នាយកផ្នែកលក់ និងទីផ្សារ ដែលបានចូលរួមជាភ្ញៀវកិត្តិយសក្នុងពិធីនេះ ក៏បានប្រគល់ទូរស័ព្ទ Ascend Mate 7 Gold ដល់ កញ្ញា មាស សុខសោភា ដោយផ្ទាល់ដៃ។ យោងតាមសម្តីរបស់លោកស៊ីយ៉ាំង ប្រទេសកម្ពុជា គឺជាទីផ្សារដ៏សំខាន់នៅអាស៊ីភាគអាគ្នេយ៍សម្រាប់ក្រុមហ៊ុន Huawei ហើយលោកបានរំពឹងទុកថា អតិថិជនទាំងអស់ ពិតជាទន្ទឹងរង់ចាំប្រើប្រាស់ទូរស័ព្ទស្មាតហ្វូន Mate 7 Gold(ម៉េតសេវិន ហ្គូល) Ascend G7(អេសែនជី សេវិន) និង Honor 6(ហូនូស៊ិច) ដ៏ទំនើបនេះយ៉ាងអន្ទះសារមិនខាន។
លោក លី ស៊ីយ៉ាំង បានលើកឡើងថា៖ “អតិថិជនកម្ពុជាយើង ពិតជាស្ញប់ស្ញែងជាមួយនឹងល្បឿន និងប្រតិបត្តិការដ៏អស្ចារ្យ កាមេរ៉ាបំពាក់នូវបច្ចេកវិជ្ជាទំនើប ថ្មីៗបំផុតនៃ Ascend Mate 7 នេះ។ Ascend Mate 7 ប្រើអង្គប្រតិបត្តិការ Octa-Core Kirin 925 ដែលអាចឱ្យលោកអ្នកលេងកម្មវិធីបានច្រើនយ៉ាងក្នុងពេលតែមួយ។ ដូច្នេះ មិនថាអ្នកកំពុងបើកអ៊ីម៉ែល មើលវីដេអូ និងលេងហ្វេសប៊ុក Ascend Mate 7 នៅតែអនុញ្ញាតឱ្យអ្នកលេងបានទាំងអស់។ “
ចែករំលែកព័តមាននេះ