ខេត្តបន្ទាយមានជ័យ ៖ អំពើឃាតកម្មមួយបានកើតឡើងនៅភូមិប្រជាធម្មលិចសង្កាត់និងក្រុងប៉ោយប៉ែតបុរសម្នាក់ត្រូវគេកា.ប់ជាច្រើនកាំបិតស្លា.ប់នៅនិងកន្លែងកាលពីវេលាម៉ោង៩និង៣០នាទីយប់ ថ្ងៃទី១៧ ខែធ្ន ២០១៤។ ជនរងគ្រោះឈ្មោះ ឆាយ ភារ៉ា ភេទប្រុស អាយុ២២ឆ្នាំ ពុំមានទីលំនៅពិតប្រាកដជាក្មេងកំព្រា ។
ខេត្តបន្ទាយមានជ័យ ៖ អំពើឃាតកម្មមួយបានកើតឡើងនៅភូមិប្រជាធម្មលិចសង្កាត់និងក្រុងប៉ោយប៉ែតបុរសម្នាក់ត្រូវគេកាប់ជាច្រើនកាំបិតស្លាប់នៅនិងកន្លែងកាលពីវេលាម៉ោង៩និង៣០នាទីយប់ ថ្ងៃទី១៧ ខែធ្ន ២០១៤។ ជនរងគ្រោះឈ្មោះ ឆាយ ភារ៉ា ភេទប្រុស អាយុ២២ឆ្នាំ ពុំមានទីលំនៅពិតប្រាកដជាក្មេងកំព្រា ។
ជនរងគ្រោះត្រូវគេកាប់ជាច្រើនកាំបិតស្លាប់ក្នុងថ្លុកឈាមហើយក្រោយកើតហេតុប្រភពប្រាប់ថាកម្លាំងសមត្ថកិច្ចដឹកនាំដោយលោក ផាន់ ភិរម្យ ព្រះរាជអាជ្ញារងអមសាលាដំបូងខេត្តបានចុះដល់កន្លែងកើតហេតុដើម្បីពិនិត្យសាកសព ។ សពត្រូវបានគេយកទៅតម្កល់នៅវត្តប្រជាធម្មត្រ័យក្នុងភូមិកើតហេតុ ។ ថ្វីត្បិតតែហេតុការនេះគេមិនទាន់ដឹងពីមូលហេតុប៉ុន្តែប្រភពប្រាប់ថាក្រុមជនសង្ស័យនិងបក្ខពួកខ្លះត្រូវអាវុធហត្ថឃាត់ខ្លួននិងខ្លះត្រូវនគរបាលឃាត់ខ្លួនហើយ ។ទោះជាយ៉ាងណាសមត្ថកិច្ចមិនទាន់ឲ្យដឹងពីអត្តសញ្ញាណជនសង្ស័យទាំងនេះទេដោយប្រាប់ថាកំពុងធ្វើការនៅឡើយ ។
តាមព័ត៌មានចុងក្រោយនៅម៉ោងជិត៥ល្ងាចថ្ងៃទី១៨នេះនគរបាលក្រុងប៉ោយប៉ែតប្រាប់ថាជនសង្ស័យ២នាក់ដែលសមត្ថកិច្ចឃាត់ខ្លួនសួរនាំនោះ០១.ឈ្មោះ ផន ផាន ភេទប្រុស អាយុ៤៦ឆ្នាំ មានមុខរបរជាអ្នកលក់កាហ្វេនិងទឹកសណ្ដែកតាមរ៉ឺម៉កម៉ូតូ និង០២.ឈ្មោះ អ៊ី សឿង ហៅវ៉ឹត ភេទប្រុសអាយុ៤៥ឆ្នាំ ដោយអ្នកទាំង២មានទីលំនៅក្នុងភូមិកើតហេតុ ។ សមត្ថកិច្ចមិនបានបញ្ជាក់ពីមូលហេតុពិតប្រាកដអំពីការសម្លាប់ជនរងគ្រោះនោះទេប៉ុន្តែយោងរបាយការណ៍របស់សមត្ថកិច្ចបានឲ្យដឹងថាក្នុងកំណត់ហេតុសួរនាំជនសង្ស័យបានសារភាពថាពួកគេបានប្រព្រឹត្តបទល្មើសខាងលើពិតប្រាកដមែន ។ នគរបាលបានកសាងសំណុំរឿងបញ្ជូនជនសង្ស័យទាំង២ជាមួយវត្ថុតាងកាំបិតប៉័ងតោ០១និងដំបង០១ដងរ៉ែករែកទឹកចំនួន០១ទៅកាន់ស្នងការដ្ឋាននគរបាលខេត្តដើម្បីចាត់ការបន្ត។
ទោះជាយ៉ាងណាជនសង្ស័យបានបដិសេធថាករណីខាងលើខ្លួនមិនដឹងទេពីដំបូងហើយពេលកំពុងអង្គុយលើរ៉ឺម៉កម៉ូតូផឹកកាហ្វេស្រាប់តែរឿងរ៉ាវកើតឡើងមុខផ្ទះហើយខ្លួន (ផនផាន) ក៍ត្រូវបានគេកាប់ចំដៃប៉ុន្តែប្រាប់ថារឿងរ៉ាវខាងលើពាក់ព័ន្ធនិងប្អូនរបស់គាត់ឈ្មោះ ផន ធា ភេទប្រុស ដែលអាវុធហត្ថធ្វើការឃាត់ខ្លួន ។ ចំណែកខាងអាវុធហត្ថលោកជាដា មេបញ្ជាការអាវុធហត្ថក្រុងប៉ោយប៉ែតប្រាប់តាមទូរស័ព្ទថាខាងលោកបានឃាត់ខ្លួនជនសង្ស័យសុទ្ធតែជាប្រុសៗចំនួន៦នាក់ផងដែរពាក់ព័ន្ធករណីខាងលើប៉ុន្តែលោកថាកំពុងធ្វើការសួរនាំមិនទាន់ចប់នៅឡើយទេ។
ចែករំលែកព័តមាននេះ