ខេត្តបន្ទាយមានជ័យ ៖ បុរសម្នាក់បានស្លាប់ភ្លាមៗនៅនិងកន្លែងដោយសារគ្រោះថ្នាក់ចរាចរណ៍ជិះម៉ូតូបុកគូទរថយន្តលើដងផ្លូវជាតិលេខ៥ ក្នុងភូមិបាលិលេយ្យ០១ សង្កាត់និងក្រុងប៉ោយប៉ែត (មុខស្ថានីយ៍ប្រេងឥន្ធនះតូតាល់) កាលពីវេលាម៉ោង១និង៤០នាទីទៀបភ្លឺព្រឹកថ្ងៃទី១៨ ខែធ្នូ ឆ្នាំ២០១៤ ។
ជនរងគ្រោះឈ្មោះ ស៊ីម យុទ្ធារង្សី អាយុ២៥ឆ្នាំ រស់នៅភូមិក្បាលស្ពាន០១ សង្កាត់ប៉ោយប៉ែត មុខរបរជាអ្នកលក់ដូរគ្រឿងទេស ។ ជនរងគ្រោះជិះម៉ូតូម៉ាកហុងដាឃ្លីកពណ៌ក្រហមលាយសស៊េរីឆ្នាំ២០១២ ពាក់ស្លាកលេខបន្ទាយមានជ័យ១F.២២៩៩ ។ តាមប្រភពប្រាប់ថាម៉ូតូរងគ្រោះបុកគូទរថយន្តប្រភេទ១២កៅអីម៉ាកតូយ៉ូតាហ៊ីយ៉ាស់ពណ៌សសេរីឆ្នាំ២០១០ ពាក់ស្លាកលេខ២P.២៣៤៥ បើកបរដោយជនមិនស្គាល់អត្តសញ្ញាណព្រោះក្រោយកើតហេតុបានគេចខ្លួនបាត់ ។ ប្រភពបន្តថាក្រោយហេតុការណ៍កើតឡើងឈ្មោះ សុង មាន ភេទប្រុស អាយុ៣៧ឆ្នាំមានទីលំនៅភូមិសាមគ្គីមានជ័យសង្កាត់ប៉ោយប៉ែតជាម្ចាស់រថយន្តបានចេញមុខថាជារថយន្តរបស់ខ្លួន។
ជុំវិញករណីគ្រោះថ្នាក់ចរាចរណ៍ខាងលើប្រភពប្រាប់ថាដំបូងរថយន្តបើកបរតាមបណ្ដោយផ្លូវបេតុងពីជើងទៅត្បូងលុះដល់ផ្លូវបំបែកជាបី (ដងផ្លូវជាតិលេខ៥) មុខស្ថានីយ៍ប្រេងឥន្ធនះតូតាល់ក៍បត់ទៅទិសខាងលិចទើបតែបត់បានបន្តិចស្រាប់តែម៉ូតូរងគ្រោះដែលកំពុងបោះពួយលឿនមកពីទិសខាងកើតបុកគូថរថយន្តពីក្រោយចំជ្រុងខាងឆ្វេងបណ្ដាលឲ្យជនរងគ្រោះបោកក្បាលលើដងផ្លូវជាតិស្លាប់ភ្លាមៗ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ