រាជធានីភ្នំពេញ ៖ គណៈបញ្ជាការឯកភាពខណ្ឌមានជ័យ ដែលដឹកនាំកម្លាំងផ្ទាល់ពីសំណាក់ លោក ឌី រ័ត្នខេមរុណ អភិបាលរងខណ្ឌមានជ័យ និងមានការចូលរួមពីមន្ត្រីសណ្តាប់ធ្នាប់មួយចំនួនទៀត រួមជាមួយកម្លាំងអាវុធខណ្ឌមានជ័យ នៅយប់ថ្ងៃទី១៨ ខែធ្នូ ឆ្នាំ២០១៤នេះ បានដឹកនាំកម្លាំងឆ្មក់ស្ទាក់ចាប់ឆែកអាវុធជាតិផ្ទុះ
រាជធានីភ្នំពេញ ៖ គណៈបញ្ជាការឯកភាពខណ្ឌមានជ័យ ដែលដឹកនាំកម្លាំងផ្ទាល់ពីសំណាក់ លោក ឌី រ័ត្នខេមរុណ អភិបាលរងខណ្ឌមានជ័យ និងមានការចូលរួមពីមន្ត្រីសណ្តាប់ធ្នាប់មួយចំនួនទៀត រួមជាមួយកម្លាំងអាវុធខណ្ឌមានជ័យ នៅយប់ថ្ងៃទី១៨ ខែធ្នូ ឆ្នាំ២០១៤នេះ បានដឹកនាំកម្លាំងឆ្មក់ស្ទាក់ចាប់ឆែកអាវុធជាតិផ្ទុះ និង ម៉ូតូដែលមិនបានបំពាក់មួក ឬកញ្ចក់ត្រឹមត្រូវ និងស្លាកលេខខុសប្រក្រតី ( ពិនិត្យបច្ចេកទេសយានយន្ត និង យាន្តជំនិះ ) តាមបណ្តោយផ្លូវលេខ៣៧១ ស្ថិតក្នុងសង្កាត់បឹងទំពុន ខណ្ឌមានជ័យ ។
សមត្ថកិច្ចបានឱ្យដឹងថា ការចុះឆ្មក់ស្ទាក់ចាប់ឆែកអាវុធជាតិផ្ទុះ ក៏ដូចជាម៉ូតូគ្មានស្លាកលេខ មួកកញ្ចក់ត្រឹមត្រូវនេះធ្វើគឺឡើងក្នុងគោលបំណងការពារសន្តិសុខសណ្តាប់ធ្នាប់ និងរបៀបរៀបរយឱ្យបានត្រឹមត្រូវតែប៉ុណ្ណោះ ហើយក៏ជាសញ្ញាមួយក្នុងការដាស់តឿន និងពញ្ញាក់អារម្មណ៍របស់បងប្អូនមួយចំនួនដែលតែងតែបើកបរក្នុងពេលស្រវឹង ហើយមិនបានបំពាក់កញ្ចក់ ក៏ដូចជាមួកសុវត្ថភាពត្រឹមត្រូវ និងជាការប្រុងប្រយ័ត្នខ្ពស់បំផុតចំពោះ ជនប្រដាប់អាវុធមួយចំនួនធំ ដែលតែងតែងប្រើប្រាស់អាវុធក្នុងការបាញ់បោះសេរី ក៏ដូចជាឆក់ប្លន់ ឬក៏បង្កជាករណីផ្សេងៗ ពេលចរាចរណ៍លើដងផ្លូវ ក្នុងរាជធានីភ្នំពេញ ដូចជាករណីបាញ់បោះផ្សេងៗដែលធ្លាប់កើតហេតុមាននាពេលកន្លងមក ។ ហើយប្រតិបត្តិការ នេះដែរគឺធ្វើឡើងដោយអនុវត្តន៍តាមបញ្ជារបស់លោកអភិបាលខណ្ឌពេជ្រ កែវមុនី ដែលលោកតែងតែបញ្ជាឱ្យមន្ត្រីក្រោមឱវាទទាំងអស់ធ្វើយ៉ាងប្រើគ្រប់វិធី ក្នុងចាត់ការទៅលើជនប្រដាប់អាវុធខុសច្បាប់ មួយចំនួនដែលតែងតែបង្កភាពអសន្តិសុខ និងចលាចលផ្សេងៗ ក្នុងសង្គមជាតិ ដើម្បីការពារសុវត្ថិភាព ជូនបងប្អូនប្រជាពលរដ្ឋក្នុងមូលដ្ឋានឱ្យស្របទៅតាមគោលនយោបាយ ភូមិ-ឃុំ មានសុវត្ថិភាព របស់ប្រមុខរាជរដ្ឋាភិបាលកម្ពុជា។
ក្នុងប្រតិបត្តិការជាង២ម៉ោងនេះដែរ សមត្ថកិច្ចបានឆែកឆេររកឃើញអាវុធខ្លីឆ្លងកាត់២ដើម មួយដើមម៉ាកកា៥៤ និងមួយដើមទៀតម៉ាកកា៥៩ ប៉ុន្តែកាំភ្លើងទាំង២ដើមនេះ មានលិខិតបេសកកម្ម និងកាតត្រឹមត្រូវដូច្នេះសមត្ថកិច្ចប្រគល់ជូនម្ចាស់វិញ ហើយឱ្យគាត់ត្រឡប់ទៅវិញធម្មតា ។ ហើយក្នុងនោះដែរសមត្ថកិច្ចបាន ដកហូតបាននូវស្លាកលេខនគរបាល ពីម៉ូតូស៊ីរ៉ុសមួយគ្រឿងដែលគ្មានច្បាប់ទម្លាប់ត្រឹមត្រូវ រួមទាំងធ្វើការផាកពិន័យចំពោះម៉ូតូដែលមិនបានបំពាក់មួក កញ្ចក់និងស្លាកលេខខុសប្រក្រតី ជាង៨០គ្រឿង។
ចែករំលែកព័តមាននេះ