រាជធានីភ្នំពេញ ៖ ជនសង្ស័យជួញដូរគ្រឿងញៀន៣នាក់ ត្រូវកម្លាំងកងរាជអាវុធហត្ថខណ្ឌពោធិ៍សែនជ័យ ធ្វើការបង្ក្រាបបាន ខណៈកំពុងប្រមូលផ្តុំគ្នា កាលពីវេលាម៉ោង១ និង៣០នាទីរសៀលថ្ងៃទី១៨ ធ្នូ ២០១៤ ស្ថិតនៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ដោយរឹបអូសវត្ថុតាងមានថ្នាំញៀន២កញ្ចប់ធំ, ម៉ូតូ៣គ្រឿង និងកាំបិត២ (ផ្គាក់ និងប៉័ងតោ) ។ល។
ប្រភពបានឱ្យដឹងថា ជនសង្ស័យទាំង៣នាក់ ១-ឈ្មោះសម ពៅ អាយុ២២ឆ្នាំ ជាអ្នកលក់ទូូរស័ព្ទ មានទីលំនៅផ្ទះជួលក្នុងខណ្ឌសែនសុខ ២-ឈ្មោះលន់ ទី អាយុ១៨ឆ្នាំ ជាជាងកត់សក់ ស្នាក់នៅផ្ទះជួលក្នុងសង្កាត់ស្ទឹងមានជ័យ និង៣-ឈ្មោះចាន់ ឌឿន អាយុ៣០ឆ្នាំ ជាជាងកាត់សក់ មានទីលំនៅភូមិចំការឪឡឹក សង្កាត់កាកាប ។
ប្រភពបន្តថា ប្រតិបត្តិការបង្ក្រាបនេះ ដោយសារមានប្រជាពលរដ្ឋល្អផ្តល់ដំណឹងឱ្យកម្លាំងយើងចុះទៅធ្វើការបង្ក្រាបបានភ្លាមៗ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ