ការលាងសម្អាតរថយន្តដោយខ្លួនឯង គឺជាមធ្យោបាយដ៏ប្រសើរមួយក្នុងការសន្សំសំចៃប្រាក់ ប៉ុន្តែប្រសិនបើអ្នកប្រើប្រាស់ទឹកខ្ជះខ្ជាយវិញ ក៏មិនប្រាកដថា លាងរថយន្តឱ្យបានស្អាតនិងចំណេញថវិកាដូចបំណងដែរ ។ ដូចនេះ សូមលើកយកនូវវិធីលាងសម្អាតរថយន្តឱ្យបានស្អាត ហើយចំណាយទឹកតិចជួយ
ការលាងសម្អាតរថយន្តដោយខ្លួនឯង គឺជាមធ្យោបាយដ៏ប្រសើរមួយក្នុងការសន្សំសំចៃប្រាក់ ប៉ុន្តែប្រសិនបើអ្នកប្រើប្រាស់ទឹកខ្ជះខ្ជាយវិញ ក៏មិនប្រាកដថា លាងរថយន្តឱ្យបានស្អាតនិងចំណេញថវិកាដូចបំណងដែរ ។ ដូចនេះ សូមលើកយកនូវវិធីលាងសម្អាតរថយន្តឱ្យបានស្អាត ហើយចំណាយទឹកតិចជួយសន្សំសំចៃដល់លោកអ្នកមួយកម្រិតដូចតទៅ៖
១-ចតរថយន្តនៅក្រោមទីតាំងដែលមានម្លប់ ដើម្បីបង្ការការហួតទឹកចេញពេលលាងទាំងមិនទាន់បានដុសសម្អាតផងនោះ ។ គួរតែប្រើប្រភពទឹកឱ្យជិតបន្តិច គឺយកធុងទឹកដាក់ក្បែរខ្លួនជានិច្ច ។
២-ចាក់បំពេញទឹកក្នុងធុងទី១ គឺអ្នកប្រើប្រាស់ធុងទឹកតូចលម្ម គឺគ្រប់គ្រាន់ហើយ បន្ទាប់មកដាក់សាប៊ូនិងអេប៉ុងលាងសម្អាតចូលនៅគ្រានោះ តែកុំបន្ថែមម្សៅសាប៊ូទៀតឱ្យសោះ ។
៣-ចាក់បំពេញទឹកក្នុងធុងទី១ដដែល ហើយចាប់ផ្តើមដុសលាងសម្អាតរថយន្តតែម្តង ។ ការអនុវត្តបែបនេះ គឺអ្នកគ្រាន់តែចំណាយទឹកតែមួយធុង គឺអាចសម្អាតរថយន្តបានពាក់កណ្តាលហើយ ។
៤-ចាក់បំពេញក្នុងធុងទី២ ហើយថែមម្សៅសាប៊ូបន្តិចនៅក្នុងធុងនោះ ។ ការប្រតិបត្តិបែបនេះ ដោយសំអាងថា ការប្រើសាប៊ូកាន់តែច្រើនក្នុងការលាងរថយន្តនោះ ទឹកក៏វាត្រូវប្រើច្រើនដែរ ។ ម្យ៉ាងទៀត វាក៏ត្រូវការទឹកច្រើនសម្រាប់ជម្រះជាតិសាប៊ូនោះទៀតផង ។
៥-ប្រើប្រាស់ទឹកសាប៊ូនិងអេប៉ុង ដើម្បីដុសជូតវាម្តងទៀតពីលើចុះក្រោមជាមួយនឹងពពុះសាប៊ូនោះ ។ ការធ្វើបែបនេះ គឺដើម្បីដុសជម្រះនូវស្នាមប្រទ្បាក់ ដែលពិបាកឬក្រាំងជាប់នឹងទឹកថ្នាំឱ្យបានស្អាតមុននឹងប្រើទឹកធុងទី២លាងសម្អាត ។
៦-បន្តប្រើប្រាស់ទឹកក្នុងធុងទី២ដដែលហើយនៅពេលនោះអ្នកអាចដាក់ទឹកថែមបន្តិច ដើម្បីដុសសម្អាតលើតួរថយន្តពីលើចុះក្រោម ។ ប្រសិនបើអ្នកអនុវត្តដោយប្រុងប្រយ័ត្ននោះ អ្នកអាចប្រើទឹកត្រឹមតែកន្លះធុងក្នុងដំណាក់កាលលាងសាប៊ូនោះ គឺបានហើយ ។
៧-លាងសម្អាតអេប៉ុងក្នុងធុងទី២ដដែលនោះ ហើយយកវាចេញចាក់ទឹកពភ្លក់នោះចេញដើម្បីលាងសម្អាតវាចេញតែម្តង ។ ត្រង់ចំណុចនេះ គឺអ្នកចំណាយទឹកត្រឹមតែ២ធុងទៅ២,៥ធុង អាស្រ័យលើការសន្សំសំចៃក្នុងការអនុវត្តរបស់អ្នក ។
៨-ប្រើប្រាស់អេប៉ុងដុសសម្អាតភ្លាមៗ នៅលើតួរថយន្តហើយដុសនៅចំណុចមួយចំនួនដដែលៗ ឱ្យជ្រះស្អាតបានល្អមុននឹងលាងសម្អាតទឹកស្អាតចុងក្រោយ ។
៩-ចាក់បំពេញទឹកក្នុងធុងលាងទឹកស្អាតសម្រេចតែម្តង ដោយប្រើអេប៉ុងដុសផងដែរ គឺចំណាយត្រឹមតែទឹក៣ធុងប៉ុណ្ណោះ ជាការស្រេច។
១០-ជូតសម្អាតនិងប៉ូលារថយន្តតាមសេចក្តីត្រូវការ ។ អនុវត្តតាមសេចក្តីណែនាំនេះ រថយន្តរបស់អ្នកប្រើទឹកត្រឹមតែ៣ធុង ទៅ៣,៥ធុង គឺសម្អាតបានស្អាតគ្រប់គ្រាន់ហើយ ៕
ចែករំលែកព័តមាននេះ