រាជធានីភ្នំពេញ ៖ តារាសម្ដែង និងចម្រៀងកញ្ញា ឌី សូនីតា បានផ្ទុះជំងឺភ្លាមៗ ធ្វើឲ្យក្រុមគ្រួសារភ័យព្រលឹងចុងសក់ និងបានបញ្ជូនទៅកាន់មន្ទីរពេទ្យភ្លាមៗកាលពីប៉ុន្មានថ្ងៃមុន ដើម្បីធ្វើការសង្គ្រោះបន្ទាន់នៅគ្លីនិកឯកជនមួយ។
រាជធានីភ្នំពេញ ៖ តារាសម្ដែង និងចម្រៀងកញ្ញា ឌី សូនីតា បានផ្ទុះជំងឺភ្លាមៗ ធ្វើឲ្យក្រុមគ្រួសារភ័យព្រលឹងចុងសក់ និងបានបញ្ជូនទៅកាន់មន្ទីរពេទ្យភ្លាមៗកាលពីប៉ុន្មានថ្ងៃមុន ដើម្បីធ្វើការសង្គ្រោះបន្ទាន់នៅគ្លីនិកឯកជនមួយ។
ជាជំហ៊ានដំបូងក្រុមគ្រួសាររបស់តារារូបនេះបញ្ជាក់ថា នាងបានឡើងកម្តៅលើសពីធម្មតាធ្វើឲ្យនាងមានអារម្មណ៍រវើលរវាយលែងដឹងខ្លួន បណ្តាលឲ្យក្រុមគ្រួសារភ័យស្លន់ស្លោ នឹងបានសម្រេចបញ្ជូននាងមកពីមន្ទីរពេទ្យភ្លាមៗតែម្តង។
ស្ត្រីម្នាក់ដែលអះអាងថា ជាបងស្រីរបស់កញ្ញា ឌី សូនីតា បានប្រាប់កោះសន្តិភាពតាមសារអេឡិចត្រូនិចថា រហូតមកដល់ពេលនេះនាងនៅតែបន្តក្រៅខ្លួននៅឡើយ ប៉ុន្តែមិនដូចពេលបញ្ជូនមកកាន់មន្ទីរពេទ្យភ្លាមៗនោះទេ ដែលអាការៈរបស់នាងបានឡើងកម្តៅខុសពីធម្មតាធ្វើឲ្យក្រុមគ្រួសារមានការព្រួយបារម្ភយ៉ាងខ្លាំង។ បន្ទាប់ពីការព្យាបាលពីក្រុមគ្រួពេទ្យរួចមកអាការៈរបស់នាងបានវិលមកដូចសភាពដើមវិញខ្លះហើយ ហើយអាចនឹងចេញពីមន្ទីរពេទ្យ ដើម្បីបន្តព្យាបាលនៅឯគេហដ្ឋានបន្តទៀត។
ដោយឡែកពាក់ព័ន្ធទៅនឹងអាការៈជំងឺនេះ តារាសម្តែង និងចម្រៀងក្មេងខ្ចីដែលចាប់កំណើតក្នុងខេត្តកំពង់ឆ្នាំង ឌី សូនីតា បានអះអាងប្រាប់សារព័ត៌មានក្នុងស្រុកមួយថា ជំងឺរបស់នាងបានចាប់ផ្តើមធ្ងន់ធ្ងរនៅថ្ងៃទីពីរ បន្ទាប់ពីថ្ងៃដំបូងអាការៈជំងឺនេះមិនមានអ្វីគួឲ្យកត់សម្គាល់។ នាងបញ្ជាក់ថា ជំងឺរបស់នាងចាប់ផ្ដើមធ្វើទុក្ខកាន់តែខ្លាំងជាងមុន ធ្វើឲ្យនាងមានអារម្មណ៍មិនស្រួលខ្លាំង ប៉ុន្តែសំណាងបានម្តាយរបស់នាងឡើងមកមើលឃើញពេលនាងកំពុងតែញាក់តែម្នាក់ឯង រួចក៏ហៅបងប្អូនបីមកពេទ្យតែម្ដង ខណៈពេលដែលនាងមិនដឹងខ្លួនអ្វីទាំងអស់។
តាមការឲ្យដឹងពី ឌី សូនីតា នាងមានអារម្មណ៍ស្រៀវឆ្អឹងខ្នង ហើយចង្កេះចង់ដាច់ពីគ្នា និងឈឺតាំងក្បាលចុងដល់ជើង រួមទាំងរងាញ័រញាក់ទៀតផង។ នាងបញ្ជាក់ថា ក្រុមគ្រូពេទ្យក៏កំណត់ជំងឺនាងមិនទាន់បានដែរ ព្រោះវាដូចជាជំងឺចម្លែកអ្វីម្យ៉ាង ព្រោះមានអ្នកជំងឺប្រមាណ៨-៩នាក់ទៀត ឈឺដូចនាងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ