ខេត្តក្រចេះ ៖ មន្ត្រីនៃមន្ទីរសុរិយោដីខេត្តបានឱ្យដឹងថា មានពលរដ្ឋក្នុងសង្កាត់អូរប្ញស្សី ក្រុងក្រចេះចំនួនជិត២ពាន់គ្រួសារ ទទួលបានប្លង់កម្មសិទ្ធិដីធ្លី ឬប្លង់រឹង សម្រាប់កាន់កាប់ ដើម្បីសុវត្ថិភាព និងស្របច្បាប់ដោយគ្មានការរំលោភបំពានណាមួយទៅថ្ងៃខាងមុខ ។
ការចុះចែកប័ណ្ណកម្មសិទ្ធិដីធ្លី ឬក៏ប្លង់រឹងនេះ គឺត្រូវគេមើលឃើញថា ធ្វើឡើងក្រោយពីមានទំនាស់ដីធ្លីរបស់ពលរដ្ឋនៅក្នុងខេត្តក្រចេះដែលកន្លងមក ធ្លាប់កើតមានជាញឹកញាប់ តែនៅពេលនេះ គឺត្រូវបានស្ងប់ស្ងាត់ បន្ទាប់ពីការចុះដោះស្រាយ គឺឈានទៅទទួលបានលទ្ធផលជាវិជ្ជមាន ។
ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត លោកកៅ ម៉ាឌីឡែន បានលើកឡើងឱ្យដឹងបន្ថែម កាលពីរសៀលថ្ងៃទី១៧ ធ្នូ ក្នុងពិធីចែកប្លង់ដីកម្មសិទ្ធិជូនដល់ពលរដ្ឋទាំងចំនួនជិត២ពាន់គ្រួសារ មកពីភូមិចំនួន២ ក្នុងសង្កាត់អូរប្ញស្សី ក្រុងក្រចេះ ដោយលោកបានអះអាងថា អនុវត្តតាមបទបញ្ជាលេខ០១ បប របស់រាជរដ្ឋាភិបាល និងដោយមានការគាំទ្រសកម្មភាពពីសំណាក់គណៈបញ្ជាការឯកភាពខេត្ត គឺអាជ្ញាធរថ្នាក់ខេត្ត និងបន្តការចុះវាស់វែងដីធ្លីជូនប្រជាពលរដ្ឋនៅតាមស្រុក-ក្រុងផ្សេងទៀតនៅទូទាំងខេត្ត ឱ្យសម្រេចបានលទ្ធផលជាវិជ្ជមាន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ