រាជធានីភ្នំពេញ ៖ បុរសម្នាក់រងរបួសធ្ងន់ ខណៈពេលកំពុងជិះម៉ូតូ ស្រាប់តែរថយន្តដឹកដូងបត់ឆ្វេងបុកបណ្តាលឲ្យដួលនៅមុខសាកលវិទ្យាល័យបញ្ញាសាស្ត្រ តាមបណ្តោយមហាវិថីព្រះនរោត្តមកែងផ្លូវលេខ៣១០ សង្កាត់បឹងកេងកងទី១ ខណ្ឌចំការមន កាលពីវេលាម៉ោង៦ និង៣០នាទីព្រលប់ថ្ងៃទី១៦ ធ្នូ ២០១៤ ។
រាជធានីភ្នំពេញ ៖ បុរសម្នាក់រងរបួសធ្ងន់ ខណៈពេលកំពុងជិះម៉ូតូ ស្រាប់តែរថយន្តដឹកដូងបត់ឆ្វេងបុកបណ្តាលឲ្យដួលនៅមុខសាកលវិទ្យាល័យបញ្ញាសាស្ត្រ តាមបណ្តោយមហាវិថីព្រះនរោត្តមកែងផ្លូវលេខ៣១០ សង្កាត់បឹងកេងកងទី១ ខណ្ឌចំការមន កាលពីវេលាម៉ោង៦ និង៣០នាទីព្រលប់ថ្ងៃទី១៦ ធ្នូ ២០១៤ ។
ប្រភពព័ត៌មានពីកន្លែងកើតហេតុបានឲ្យដឹងថា រថយន្តបង្កហេតុម៉ាកនីស្សាន់ ពណ៌ស ពាក់ស្លាកលេខ កំពង់ធំ 2A 1100 ដឹកផ្លែដូងខ្ចីពេញរថយន្ត បើកបរតាមបណ្តោយមហាវិថីព្រះនរោត្តម ពីត្បូងទៅជើង ចំណែកម៉ូតូស្មាស់វី ពណ៌ក្រហមលាយខ្មៅ អត់ស្លាកលេខ បើកបរពីជើងទៅត្បូង មកដល់ចំណុចខាងលើរថយន្តដឹកដូងក៏បត់ឆ្វេង ហើយបុកម៉ូតូចំពីមុខពេញទំហឹង ធ្វើឲ្យម៉ូតូកៀបជាប់ក្រោមរថយន្ត ចំណែកឯអ្នកបើកម៉ូតូបោកនឹងកញ្ចក់រថយន្តរងរបួសធ្ងន់ ។
ជនរងគ្រោះរងរបួសធ្ងន់មានឈ្មោះ តារា ភេទប្រុស អាយុ២៤ឆ្នាំ ជានិស្សិតអគ្គិសនីឆ្នាំទី៣ ស្នាក់នៅភូមិព្រែកថ្មី សង្កាត់ព្រែកថ្មី ខណ្ឌច្បារអំពៅ មានស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។
ក្រោយពេលកើតហេតុ ជនរងគ្រោះត្រូវបានបានដឹកយកទៅព្យាបាលនៅគ្លីនិកឯកជន ចំណែកអ្នកបើករថយន្តបានធ្វើការចរចាជាមួយសាច់ញាតិជនរងគ្រោះ ដោយចេញថ្លៃព្យាបាលចំនួន៣០០ដុល្លារបញ្ចប់រឿង ៕
ចែករំលែកព័តមាននេះ