ក្រុមហ៊ុនបច្ចេកវិទ្យា Cicret ណែនាំខ្សែដៃអេឡិចត្រូនិកមានសមត្ថភាពពិសេសសម្រាប់មនុស្សសម័យថ្មីមានឈ្មោះថា «Cicret» តម្លៃ ៤៧១ដុល្លារ ដែលជំនួសការប្រើប្រាស់ស្មាតហ្វូនបាន ។ ខ្សែដៃអេឡិចត្រូនិក Cicret រចនាឡើងជាកងរង្វង់ជ័រដែលពាក់លើ.កដៃ ។
លក្ខណៈពិសេសរបស់ Cicret បំពាក់ដោយ Projector (ឧបករណ៍បញ្ចេញពន្លឺ) ដែលបញ្ចេញពន្លឺលើ.កដៃរបស់អ្នក ព្រមទាំងអាចបញ្ជាផ្ទាល់លើវាតែម្តង ដោយមិនប៉ះពាល់លើស្បែកទេ ។ ក្រៅពីនេះអ្នកប្រើប្រាស់ទាំងអស់អាចអានសារអេឡិចត្រូនិក (Emails) ស្រាវជ្រាវលើគេហទំព័រ ទស្សនាវីឌីអូ លេងហ្គេម និងហៅចេញទៅកាន់ដៃគូម្ខាងទៀតបានយ៉ាងងាយស្រួលតាមរយៈបន្ទះ Sensor ចំនួន៨ ភ្ជាប់ក្នុងឧបករណ៍មួយនេះ ។ លើសពីនេះទៅទៀតខ្សែដៃអេឡិចត្រូនិកភ្ជាប់ប្រព័ន្ធ Wi-Fi, Bluetooth ផងដែរ ។
លោក Guillaume Pommier ស្ថាបនិកក្រុមហ៊ុន Cicret និយាយថា Cicret ជាឧបករណ៍ដំបូងគេបង្អស់ដែលប្រើជំនួសស្មាតហ្វូនបាន ពោលគឺវាមានលក្ខណៈល្អប្លែកពីខ្សែដៃអេឡិចត្រូនិកផ្សេងទៀត ។ ផលិតផល Cicret មានទំហំ១៦ជីហ្គាបៃ និង៣២ជីហ្គាបៃ មាន ១០ពណ៌សម្រាប់ជ្រើសរើស ។ ផលិតផលនេះនឹងមានវត្តមានលើទីផ្សារនៅខែមិថុនា ឆ្នាំ២០១៥ ៕
ចែករំលែកព័តមាននេះ