រាជធានីភ្នំពេញ ៖ ដូចទៅនឹងអ្វីដែល Microsoft Devices នៅកម្ពុជាបានប្រកាសកាលពីដើមខែធ្នូ គឺផលិតផលស្មាតហ្វូន Lumia ដែលមានយីហោ Microsoft ដំបូងគេបង្អស់បានត្រូវដាក់លក់យ៉ាងឧឡារិកនៅតាមហាងលក់ទូរស័ព្ទ នានាហើយទាំងនៅរាជធានីភ្នំពេញ និងបណ្តាខេត្តនានា។ ដើម្បីអបអរសាទរដល់ការចេញលក់ Microsoft Lumia 535 ស៊ីមពីរ, Microsoft Devices មានផ្តល់ជូនស្រោមបត់ការពារទូរស័ព្ទម៉ាក Mozo ជូនដល់អតិថិជនដោយឥតគិតថ្លៃ ។ មិនត្រឹមតែប៉ុណ្ណោះ ក្រោមកិច្ចសហការរវាង Microsoft Devices និង ក្រុមហ៊ុនទូរស័ព្ទចល័តលំដាប់ថ្នាក់លេខ 1 Cellcard អតិថិជននឹងទទួលបានការថែមជូនជាច្រើនទៀតដោយឥតគិតថ្លៃដូចជា ស៊ីមកាត ១ អ៊ិនអឺណិត 10.500 MB ហៅចេញក្នុងប្រព័ន្ធ300នាទី ក្នុងអំឡុងពេល3ខែ ។
គួរបញ្ជាក់ផងដែរថា Microsoft Devices បានប្រកាសចេញសម្ពោធផលិតផល Microsoft Lumia 535 ស៊ីមពីរ កាលពីថ្ងៃទី២ ខែធ្នូ ឆ្នាំ២០១៤ កន្លងទៅនេះ ដោយមានការចូលរួមយ៉ាងសកម្មពីសំណាក់ថ្នាក់ ដឹកនាំជាន់ខ្ពស់នៃក្រុមហ៊ុនចែកចាយ KTH និងក្រុមហ៊ុនទូរស័ព្ទចល័តលំដាប់ថ្នាក់លេខ 1 Cellcard ។
ស្មាត ហ្វូន Lumia 535 ស៊ីមពីរ ផ្តល់ជូនអ្នកប្រើប្រាស់នូវសេវាកម្មជាច្រើនពី Microsoft ដែលមានជាអាទិ៍ OneDrive, Skype, Office និង OneNote, មានកាមេរ៉ា មុខ 5 MP ដែលអាចថតជាប់ផ្ទៃធំជាប់មនុស្សច្រើននាក់, កាមេរ៉ាក្រោយ 5 MP មានហ្វ្លាស់ និងមានអេក្រង់ធំទូលាយ 5”qHD ។ វាដំណើរការដោយប្រព័ន្ធប្រតិបត្តិការ Windows Phone 8.1 កំណែប្រែថ្មីចុងក្រោយបង្អស់ ហើយថែមទាំងផ្តល់ជូនកន្លែងផ្ទុកទិន្នន័យក្នុង OneDrive រហូតដល់ទៅ 30GB ។
ចេញលក់ចាប់ពីថ្ងៃនេះតទៅក្នុងតម្លៃប្រមាណ $148 , Microsoft Lumia 535 ស៊ីមពីរមានច្រើនពណ៌សម្រាប់ជ្រើសរើសដូចជា ខ្មៅ ស ទឹកក្រូច និងពណ៌បៃតង ៕
ចែករំលែកព័តមាននេះ