រាជធានីភ្នំពេញ ៖ យុវជនម្នាក់ ត្រូវបានកម្លាំងគណៈបញ្ជាការឯកភាព ខណ្ឌដង្កោ ឃាត់ខ្លួន ខណៈពេលកំពុងត្រួតពិនិត្យអាវុធជាតិផ្ទុះ ហើយបានរកឃើញគ្រឿងញៀ.នចំនួន៣កញ្ចប់ ដែលជនសង្ស័យខាងលើ
រាជធានីភ្នំពេញ ៖ យុវជនម្នាក់ ត្រូវបានកម្លាំងគណៈបញ្ជាការឯកភាព ខណ្ឌដង្កោ ឃាត់ខ្លួន ខណៈពេលកំពុងត្រួតពិនិត្យអាវុធជាតិផ្ទុះ ហើយបានរកឃើញគ្រឿងញៀនចំនួន៣កញ្ចប់ ដែលជនសង្ស័យខាងលើដាក់ជាប់ខ្លួនក្នុងបំណងនាំយកទៅចេកចាយបន្តឲ្យអ្នកផ្សេងទៀត ។ ការចាប់ខ្លួននោះ បានធ្វើឡើង កាលពីវេលាយប់ថ្ងៃទី១៣ ខែធ្នូ ឆ្នាំ២០១៤ នៅលើកំណាត់ផ្លូវលេខ២១៧ ត្រង់ចំណុចមុខសាលាខណ្ឌដង្កោ ស្ថិតក្នុងភូមិថ្មី សង្កាត់ដង្កោ ខណ្ឌដង្កោ រាជធានី ភ្នំពេញ ។
យុវជនដែលត្រូវសមត្ថកិច្ចឃាត់ខ្លួនបាននោះឈ្មោះ យ៉េន សុង អាយុ២៤ឆ្នាំ ស្នាក់នៅផ្ទះជួល ស្ថិតក្នុងសង្កាត់ស្ទឹងមានជ័យ ខណ្ឌមានជ័យ និងមានស្រុកកំណើត នៅភូមិ៥ សង្កាត់ទំនប់ទឹក ខណ្ឌចំការមន រាជធានីភ្នំពេញ ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ជនសង្ស័យខាងលើបានទៅទិញគ្រឿងញៀន នៅម្ដុំមុខមន្ទីរពេទ្យព្រះកុសុមៈ ស្ថិតក្នុងភូមិត្រពាំង ឈូកសង្កាត់ទឹកថ្លាខណ្ឌសែនសុខ ដោយទិញបានចំនួន៣កញ្ចប់ រួមជាមួយ និងថង់សម្រាប់ច្រកគ្រឿងញៀន មួយចំនួនទៀត ក្នុងតម្លៃ១២ម៉ឺនរៀល ។ បន្ទាប់ មកបានជិះម៉ូតូឌុប១គ្រឿង ធ្វើដំណើរតាមផ្លូវលេខ២១៧ ហៅផ្លូវចំការដូង ក្នុងបំណងយកទៅចែកចាយ ឲ្យម៉ូយដែលទិញយកទៅប្រើប្រាស់ លុះពេលទៅដល់ត្រង់ចំណុចកើតហេតុខាងលើ ។ ក៍ត្រូវបានកម្លាំងគណៈបញ្ជាការខណ្ឌដង្កោ ដែលកំពុងត្រួតពិនិត្យ អាវុធជាងតិផ្ទុះនៅទីនោះ ឃាត់ត្រួតពិនិត្យ បានប្រទះ ឃើញមានគ្រឿងញៀន នៅជាប់ខ្លួនកោះបានចាប់បញ្ជូនទៅកាន់អធិការដ្ឋានខណ្ឌដង្កោ ដើម្បីធ្វើការសាកសួរ និងកសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់ ។
ប៉ូលីសនិយាយថា នៅក្នុងខណៈនោះ កម្លាំងគណៈបញ្ជាការឯកភាព បានធ្វើការឃាត់ខ្លួន ទាំងជនសង្ស័យ និងអ្នករត់ម៉ូតូឌុប ទៅធ្វើការសាកសួរ ប៉ុន្តែ ក្រោយមកទើបដឹងថា អ្នករត់ម៉ូតូឌុបម្នាក់នោះ មិនមានការពាក់ព័ន្ធទៅនឹងបទល្មើសគ្រឿងញៀននោះទេ ។ ទើបធ្វើការដោះលែងទៅវិញ ចំណែកជនសង្ស័យ ជាមុខសញ្ញាចែកចាយដ៍សកម្ម មិនត្រូវបានដោះលែងនោះឡើយ គឺត្រូវឃុំខ្លួនបណ្ដោះអាសន្នរង់ចាំ បញ្ជូនទៅតុលារ ក្រោយពីកសាងសំណុំរឿងរួចរាល់ ៕
ចែករំលែកព័តមាននេះ