ខេត្តត្បូងឃ្មុំ ៖ មនុស្សមួយក្រុមមានគ្នាចំនួន៣នាក់ ប្រដាប់ដោយកាំបិតខ្វេវម្នាក់មួយ បង្កហឹង្សាកា.ប់លើបុរសម្នាក់ដែលជាគូជម្លោះបណ្តាលឲ្យដាច់ក្បាលធ្លាក់ចេញពីស្មា ។
ខេត្តត្បូងឃ្មុំ ៖ មនុស្សមួយក្រុមមានគ្នាចំនួន៣នាក់ ប្រដាប់ដោយកាំបិតខ្វេវម្នាក់មួយ បង្កហឹង្សាកាប់លើបុរសម្នាក់ដែលជាគូជម្លោះបណ្តាលឲ្យដាច់ក្បាលធ្លាក់ចេញពីស្មា ។
អំពើមនុស្សឃាតដ៏ឃោរឃៅនេះបានកើតឡើងកាលពីវេលាម៉ោង៧ និង៣០នាទីយប់ ថ្ងៃទី១៣ ធ្នូ ២០១៤ ត្រង់ចំនុចភូមិថ្មីកណ្តាល ឃុំព្រះធាតុ ស្រុកអូររាំងឪ ជាមួយគ្នានោះដែរសមត្ថកិច្ចបានស្រាវជ្រាវតាមចាប់ជនសង្ស័យបានម្នាក់ ចំណែក២នាក់ទៀតរត់គេចខ្លួនបាត់ ។
លោកវរសេនីយ៏ត្រី លឿង រដ្ឋា អធិការនគរបាលស្រុកអូររាំងឪបានឲ្យដឹងថា ជនរងគ្រោះដែលត្រូវបានគូជម្លោះកាប់ប្រហារស្លាប់នោះមានឈ្មោះ សៅ សារឿន ហៅត្រេន ភេទប្រុស អាយុ៣៧ឆ្នាំ មានទីលំនៅភូមិ-ឃុំកើតហេតុ ហើយក៏ជាមុខសញ្ញាធ្លាប់កាច់សោរ.កម៉ូតូ ដែលរូបលោកបានចាប់បញ្ជូនទៅដាក់នៅពន្ធនាគារខេត្តកាលពីប៉ុន្មានឆ្នាំមុន ។
លោកអធិការនគរបាលស្រុកអូររាំងឪបានបន្តទៀតថា ស្របពេលដែលលោកកែម សុកធី នាយប៉ុស្តិ៍រដ្ឋបាលឃុំព្រះធាតុ ដឹកនាំកម្លាំងចុះត្រួតពិនិត្យអាវុធជាតិផ្ទុះ ត្រង់ចំណុចផ្លូវកែងផ្សារសែនតស៊ូ នៅភូមិថ្មីកណ្តាល បន្ទាប់មកក៏មានអំពើមនុស្សឃាតកើតឡើង ហើយលោកនាយប៉ុស្ត៏ក៏រាយការណ៏មកកាន់រូបលោក(លឿង រដ្ឋា) នៅវេលាម៉ោង៨ និង៣០នាទីយប់ ។ គ្រាន់តែទទួលបានសេចក្តីរាយការណ៏ភ្លាម លោក និងលោកអនុសេនីយ៏ទោលី តៃឈន់ អធិការរងនគរបាលស្រុក ក៏ប្រញាប់ដឹកនាំជំនាញព្រហ្មទណ្ឌស្រុកជាច្រើននាក់ចុះទៅកាន់កន្លែងកើតហេតុជាបន្ទាន់ ហ៊ុំព័ទ្ធមិនឲ្យជនណាម្នាក់ចូលទៅក្បែរសពអ្នករងគ្រោះឡើយ ហើយកំណត់បានមុខសញ្ញាចំនួន៣នាក់ ក្នុងនោះមាន១-ឈ្មោះ តៃ តន់ ភេទប្រុស អាយុ២៩ឆ្នាំ ២-ឈ្មោះ ស៊ាង ពៅ ភេទប្រុស អាយុ៣២ឆ្នាំ និង៣-ឈ្មោះ តៃ ស៊ីទិត្យ ភេទប្រុស អាយុ២៧ឆ្នាំ ដែលជនសង្ស័យទាំង៣នាក់នេះរស់នៅភូមិថ្មីកណ្តាល ឃុំព្រះធាតុ ស្រុកអូររាំងឪ ខេត្តត្បូងឃ្មុំ ។
ក្រោយពីសមត្ថកិច្ចបានស្រាវជ្រាវតាមការណែនាំរបស់លោកឧត្តមសេនីយ៏ត្រី ម៉ៅ ពៅ ស្នងការនគរបាលខេត្ត នាយប់ថ្ងៃដដែលនោះ(១៣ ធ្នូ) ជនសង្ស័យម្នាក់ឈ្មោះស៊ី ទិត្យ ត្រូវបានឃាត់ខ្លួនខណៈពេលកំពុងចុះពីជណ្តើរផ្ទះខាងក្រោយរបស់ខ្លួន បំរុងនឹងរត់គេចខ្លួននោះ ។ លោកវរសេនីយ៏ត្រី លឿង រដ្ឋា អធិការនគរបាលស្រុកអូររាំងឪ បញ្ជាក់បន្ថែមថា នៅមុនពេលកើតហេតុ ជនរងគ្រោះបានត្រឡប់មកពីចូលរួមពិធីមង្គលការគេនៅភូមិថ្មីកណ្តាល ប្រហែលម៉ោង៧យប់ បន្ទាប់មកកូនស្រីបង្កើត ឈ្មោះ រឿន ស្រីមាស អាយុ១៣ឆ្នាំ មើលវីដេអូរចប់ក៏សុំទៅដេកនៅផ្ទះជីដូន ដោយជនរងគ្រោះជាឪពុកជូនទៅ ក៏ត្រូវបានឈ្មោះ តន់ កាប់ត្រូវដៃ១កាំបិត ក៏រត់មកសង្ងំនៅផ្ទះរបស់ខ្លួន ។ ចំណែកកូនស្រីឈរនៅថ្នល់មុខផ្ទះ លុតជង្គង់អង្វរជនសង្ស័យទាំង៣នាក់កុំឱ្យសម្លាប់ឪពុកខ្លួន ដែលខណៈនោះក្នុងដៃជនសង្ស័យមានកាំបិតម្នាក់១ ចំណែកបុរសរងគ្រោះឈ្មោះ សារឿន ខ្លាច ក៏បានព្យាយាមរត់គេច បានចំងាយពីផ្ទះប្រហែលជាជាង៦០ម៉ែត្រ ក៏ត្រូវជនទាំង៣ជាគូទំនាស់រត់មកតាមកាប់ប្រហារត្រូវ៥កាំបិត បណ្តាលឲ្យដាច់ក្បាលធ្លាក់ទៅលើដី ស្លាប់ក្នុងថ្លុកឈាមយ៉ាងអាណោចអាធម៌បំផុត ។
រហូតមកដល់វេលាម៉ោង១១ព្រឹក ថ្ងៃទី១៤ ធ្នូនេះ ជនសង្ស័យដែលបានរត់គេចខ្លួនចំនួន២នាកនោះមិនទាន់ត្រូវបានចាប់ខ្លួននូវឡើយទេ ៕
ចែករំលែកព័តមាននេះ