រាជធានីភ្នំពេញ ៖ ទីបំផុតទៅសាកសពយុវជនមានសតិមិនល្អម្នាក់ បានត្រូវក្រុមគ្រួសារនិងអ្នកភូមិរាវរកឃើញហើយនៅម៉ោង១១និង៣០នាទីថ្ងៃត្រង់ថ្ងៃទី១២ ធ្នូ ២០១៤ បន្ទាប់ពីលិចបាត់ក្នុងស្រះទឹកតំាងពីថ្ងៃម្សិលមិញ ។
ហេតុការណ៍នេះ បានបង្កឲ្យមានការភ្ញាក់ផ្អើលនៅក្នុងវត្តអង្គស្តុក ស្ថិតក្នុងភូមិត្រពំាងពោធិ៍ សង្កាត់ឪឡោក ខណ្ឌពោធិ៍សែនជ័យ ។
យុវជនដែលលង់ទឹកស្រះជម្រៅ៤ម៉ែត្រ ហើយដែលព្រះសង្ឃ និងប្រជាពលរដ្ឋប្រើបា្រស់រាល់ថ្ងៃនេះឈ្មោះ ជាតិ ឧត្តម អាយុ១៨ឆ្នាំ ។
បើតាមឪពុកយុវជនដែលក្រុមគ្រួសារអះអាងថាមានសតិមិនសូវល្អនេះបានឲ្យដឹងថា កាលពីថ្ងៃម្សិលមិញ(១១ធ្នូ) រូបគាត់បានដើររកកូន បន្ទាប់ពីចេញបាត់ពីផ្ទះ ពេលដើរចូលក្នុងបរិវេណវត្តក៍ក្រឡេកឃើញខោអាវកូននៅលើចេតិយ ទើបសន្និដ្ឋានថា កូនរបស់គាត់ពិតជាលង់ទឹកនិង ប្រាប់ក្រុមអ្នកភូមិនំាគ្នាចុះរាវរកតែមិនឃើញ ទើបនៅថ្ងៃត្រង់នេះទើបរកឃើញ ។
ព័ត៌មានលម្អឹតនឹងមានផ្សាយជូននៅលើសារព័ត៌មានកោះសន្តិភាព៕
ចែករំលែកព័តមាននេះ