ខេត្តព្រះវិហារ ៖ កម្លំាងប៉ូលិសខេត្តសហការជាមួយមន្ទីរប្រឆាំងគ្រឿងញៀន ដឹកនំាដោយលោកវរៈសេនីយ៍ឯក មាឃ សំអូន ស្នងការរង បានឃាត់ខ្លួនស្រ្តីជនជាតិឡាវម្នាក់ពីបទជួញដូរគ្រឿងញៀនឆ្លងដែន ។
ហេតុការណ៍នេះ បានកើតឡើងនៅម៉ោង៧និង៤៥នាទីព្រឹកថ្ងៃទី១០ ធ្នូ ២០១៤ នៅក្នុងភូមិកំពង់ស្រឡៅ ឃុំកំពង់ស្រឡៅ១ ស្រុកឆែប ។ បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីប៉ូលិសឲ្យដឹងថា ស្រ្តីជនជាតិឡាវដែលឃាត់ខ្លួនឈ្មោះ កែវ មុនីវង្ស អាយុ១៧ឆ្នាំ រស់នៅក្នុងភូមិណងង៉ា ឃុំ-ស្រុកមុន ខេត្តចំប៉ាសាក់ ។ ក្រៅពីឃាត់ខ្លួនស្រ្តីជនជាតិឡាវនេះ សមត្ថកិច្ចក៍បានដកហូតថ្នំាញៀនម្សៅក្រាមព៌ណសថ្លា ប្រភេទមេតំហ្វេតាមីន ហៅម៉ាទឹកទម្ងន់១គីឡូក្រាម និងមេតំហ្វេតាមីនប្រភេទគ្រាប់ WY ព៌ណក្រហមចំនួន៩៩៧គ្រាប់ ។
បច្ចុប្បន្ន ជនសង្ស័យនិងវត្ថុតាងខាងលើ បានត្រូវសមត្ថកិច្ចបញ្ជូនមកឃុំខ្លួន និងរក្សាទុកនៅស្នងការដ្ឋាននគរបាលខេត្តដើម្បីកសាងសំណុំរឿងបញ្ជូនទៅតុលាការចាត់ការបន្ត ៕
ចែករំលែកព័តមាននេះ