រាជធានីភ្នំពេញ ៖ តាមបទបញ្ជារបស់អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញ កងកម្លំាងនគរបាលខណ្ឌប្ញស្សីកែវ ដឹកនំាដោយលោកវរៈសេនីយ៍ទោ ទៀង ច័ន្ទសារ អធិការនគរបាលខណ្ឌប្ញស្សីកែវ បានបើកប្រតិបត្តិការបង្រ្កាបក្រុមចែកចាយគ្រឿងញៀន ដោយឃាត់ខ្លួនមនុស្ស៣នាក់ជាបន្តបន្ទាប់តំាងពីយប់ថ្ងៃទី០៩ ធ្នូ រហូតមកដល់ព្រឹកថ្ងៃទី១០ ធ្នូ ២០១៤នេះ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីលោកអធិការខណ្ឌឲ្យដឹងថា យុវជនដែលឃាត់ខ្លួនទំាង៣នាក់នោះរួមមាន៖០១-ឈ្មោះ ឆន រាជ អាយុ២៣ឆ្នាំ ពុំមានមុខរបរនិងទីកន្លែងស្នាក់នៅមិនពិតបា្រកដ (ឃាត់ខ្លួននៅម៉ោងជាង៨ព្រឹកថ្ងៃទី១០ ធ្នូ ២០១៤ បន្ទាប់ពីធ្វើការឆែកឆេរបន្ទប់ជួល២កន្លែងនៅក្នុងសង្កាត់ស្វាយប៉ាក ) ។
០២-ឈ្មោះ ម៉ក់ ធី អាយុ១៧ឆ្នាំ ជាសិស្សសាលា ស្នាក់នៅក្នុងភូមិឡកំបោរ សង្កាត់ស្វាយប៉ាក ដកហូតថ្នំាញៀនប្រភេទម៉ាទឹកកក ៨កញ្ចប់ (ឃាត់ខ្លួនម៉ោង១០យប់ថ្ងៃទី០៩ធ្នូ) ។
០៣-ឈ្មោះ លី សុខធី អាយុ២៤ឆ្នាំ ជាកម្មករយឿត្រី ស្នាក់នៅក្នុងភូមិលូ សង្កាត់ស្វាយប៉ាក ដកហូតថ្នំាញៀន ៩កញ្ចប់ (ឃាត់ខ្លួនម៉ោង៩និង៣០នាទីយប់ថ្ងៃទី០៩ធ្នូ) ។
សេចក្តីរាយការណ៍បានបន្តថា ក្រៅពីឃាត់ខ្លួនយុវជនទំាង៣នាក់ខាងលើ ក្នុងប្រតិបត្តិការនេះដែរ ប៉ូលិសបានដកហូតវត្ថុតាងមួយចំនួនដូចជា ដាវសំាមូរ៉ៃ៣ដើម ជញ្ជីង១ ថង់ច្រកគ្រឿងញៀននិងឧបករណ៍សម្រាប់បម្រើឲ្យការប្រើបា្រស់គ្រឿងមួយចំនួនទៀត ។
បច្ចុប្បន្នជនចែកចាយគ្រឿងញៀនទំាង៣នាក់ រួមនឹងថ្នំាញៀនប្រភេទម៉ាទឹកសរុប១៧កញ្ចប់ និង វត្ថុតាង ត្រូវបានបញ្ជូនយកទៅឃុំខ្លួននិងរក្សាទុកនៅអធិការដ្ឋាននគរបាលខណ្ឌប្ញស្សីកែវ រង់ចំាកសាងសំណុំរឿងបញ្ជូនទៅតុលាការបន្តចាត់ការតាមនីតិវិធីច្បាប់ ៕
ចែករំលែកព័តមាននេះ