រាជធានីភ្នំពេញ ៖ កម្លាំងប៉ូលិសខណ្ឌពោធិ៍សែនជ័យ និងកម្លាំងប៉ូលិសប៉ុស្តិ៍ចោមចៅ ដឹកនាំដោយលោកយឹម សារ៉ាន់ បានចុះធ្វើការបង្ក្រាបទីតាំងប្រើប្រាស់ថ្នាំញៀនមួយកន្លែង ដោយឃាត់ខ្លួនជនសង្ស័យបានចំនួន៤នាក់ កាលពីវេលាម៉ោង៣ និង១០នាទីរសៀលថ្ងៃទី២៩ វិច្ឆិកា ២០១៤ នេះ ស្ថិតនៅចំណុចភូមិត្រពាំងថ្លឹង ក្នុងសង្កាត់ចោមចៅ ។
ជំហានដំបូង យើងនៅមិនទាន់ស្គាល់អត្តសញ្ញាណជនសង្ស័យទាំង៤នាក់នោះនៅឡើយទេ ដោយដឹងថា កម្លាំងបានដកហូតថ្នាំញៀន និងឧបករណ៍ថ្នាំញៀនមួយចំនួនផងដែរ ។
ប្រភពបានឱ្យដឹងទៀតថា ក្នុងប្រតិបត្តិការបង្ក្រាបនេះ គឺកម្លាំងបានធ្វើការស្រាវជ្រាវ និងបានទទួលព័ត៌មានពីប្រជាពលរដ្ឋដែលបានជូនដំណឹងមកកម្លាំងសមត្ថកិច្ចថា មានក្រុមជនសង្ស័យជួញដូរគ្រឿងញៀនមួយក្រុមដែលក្នុងនោះគេដឹងថា មេខ្លោងជាស្ត្រីម្នាក់ឈ្មោះស្រីនាង និងមានកាំភ្លើងមួយដើមដែលកំពុងរត់គេចខ្លួន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ