ចាប់បានជនដៃដល់ជាប្តីចាក់សម្លា.ប់ប្រពន្ធក្នុងទំនាស់គ្រួសារ
ខេត្តកំពង់ស្ពឺ ៖ ជនដៃដល់ជាប្តីដែលចាក់សម្លា.ប់ប្រពន្ធ ដោយសារតែមានជម្លោះបន្តិចបន្តួចនោះ ពេលនេះត្រូវសមត្ថកិច្ចធ្វើការចាប់ខ្លួនបានហើយ ខណៈព្យាយាមលាក់ខ្លួន
ខេត្តកំពង់ស្ពឺ ៖ ជនដៃដល់ជាប្តីដែលចាក់សម្លាប់ប្រពន្ធ ដោយសារតែមានជម្លោះបន្តិចបន្តួចនោះ ពេលនេះត្រូវសមត្ថកិច្ចធ្វើការចាប់ខ្លួនបានហើយ ខណៈព្យាយាមលាក់ខ្លួន កាលពីវេលាម៉ោង១០ និង១៥នាទីព្រឹកថ្ងៃទី២៩ វិច្ឆិកា ២០១៤ ស្ថិតនៅវត្តដំបូកមានបុណ្យ ក្នុងភូមិតាយ៉ុង ឃុំដំបូករង ស្រុកភ្នំស្រួច ។
ប្រភពបានឱ្យដឹងថា ជនសង្ស័យមានឈ្មោះអ៊ុក ថុង មានទីលំនៅក្នុងភូមិទី១ ឃុំត្រែងត្រយឹង ស្រុកភ្នំស្រួច។
ក្រោយពីឃាត់ខ្លួន សមត្ថកិច្ចបានបញ្ចូនដៃដល់ទៅកាន់អធិការដ្ឋានស្រុក និងបញ្ជូនបន្តទៅកាន់ស្នងការនគរបាលខេត្ត ដើម្បីចាត់ការបន្ត ។
គួររំលឹកថា ស្ត្រីម្នាក់ត្រូវប្តីយកកាំបិតចុងស្រួចចាក់ចំក្រោមដោះខាងឆ្វេងជាប់កាំបិតឆ្កឹងបណ្តាលឱ្យរងរបួសធ្ងន់ ហើយបានស្លាប់តាមផ្លូវពេលក្រុមគ្រួសារដឹកទៅសង្គ្រោះនៅមន្ទីរពេទ្យ។ ហេតុការណ៍ប្តីចាក់ប្រពន្ធនេះបានកើតឡើងកាលពីវេលាម៉ោង៦ និង១០នាទីល្ងាច ថ្ងៃទី២៧ វិច្ឆិកា ២០១៤ នៅភូមិ២ ឃុំត្រែងត្រយឹង ។
ស្ត្រីរងគ្រោះត្រូវគេស្គាល់ឈ្មោះលាវ គីមហាន អាយុ៤២ឆ្នាំ ត្រូវជាប្រពន្ធជនដៃដល់ឈ្មោះអ៊ុក ថុង អាយុ៥០ឆ្នាំ រស់នៅភូមិ១ ឃុំត្រែងត្រយឹង។
សេចក្តីរាយការណ៍បានឱ្យដឹងថា មុនពេលកើតហេតុប្តីប្រពន្ធខាងលើបានឈ្លោះទាស់ទែងពាក្យសម្តីគ្នានៅផ្ទះស្ត្រីម្នាក់ឈ្មោះហួយ សេង អាយុ៦៤ឆ្នាំ ជាបងថ្លៃរបស់ស្ត្រីរងគ្រោះ មួយសន្ទុះក្រោយមកមិនដឹងយ៉ាងម៉េចស្រាប់តែជនដៃដល់ជាប្តីបានស្ទុះទៅយកកាំបិតចុងស្រួចមកចាក់ប្រពន្ធចំក្រោមដោះខាងឆ្វេងជាប់កាំបិតឆ្កឹងគួរឱ្យរន្ធត់។
ក្រោយពីបង្កហេតុរួច ជនដៃដល់បានរត់គេចខ្លួនបាត់ស្រមោល ចំណែកស្ត្រីរងគ្រោះត្រូវក្រុមគ្រួសារបញ្ជូនទៅសង្គ្រោះ តែជាអកុសលពេលមកដល់កណ្តាលផ្លូវក៏ដាច់ខ្យល់ស្លាប់ ។
ចែករំលែកព័តមាននេះ