ខេត្តកំពង់ធំ ៖ រថយន្តដឹកថ្មធុនយក្សពន្លះម៉ូតូហុងដាឌ្រីមសេ១២៥ បណ្តាលឲ្យស្ត្រី២រងរបួសធ្ងន់និងស្រាលកាលវេលា ថ្ងៃត្រង់ថ្ងៃទី២៨ ខែវិច្ឆិកា ឆ្នាំ២០១៤ នៅលើផ្លូវជាតិលេខ៦ ត្រង់ចំណុចភូមិថ្នលបែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ
ខេត្តកំពង់ធំ ៖ រថយន្តដឹកថ្មធុនយក្សពន្លះម៉ូតូហុងដាឌ្រីមសេ១២៥ បណ្តាលឲ្យស្ត្រី២រងរបួសធ្ងន់និងស្រាលកាលវេលា ថ្ងៃត្រង់ថ្ងៃទី២៨ ខែវិច្ឆិកា ឆ្នាំ២០១៤ នៅលើផ្លូវជាតិលេខ៦ ត្រង់ចំណុចភូមិថ្នលបែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ ។ ហេតុការណ៍នេះកើតឡើងរវាងរថយន្តដឹកថ្មធុនធំ ពាក់ស្លាកលេខភ្នំពេញ3A.4616 ទៅបុកម៉ូតូឌ្រីមសង់បង្កឲ្យស្ត្រី២នាក់ម្តាយនិងកូនរងរបួសយ៉ាងធ្ងន់ធ្ងរ ហើយដឹកបញ្ជូនទៅសង្គ្រោះនៅមន្ទីរពេទ្យឯកជន៥១៥ខេត្តកំពង់ធំ។
មុនពេលកើតហេតុគេបានឃើញរថយន្តដឹកថ្មបើកបរយ៉ាងលឿនក្នុងទិសដៅពីត្បូងទៅជើងហើយឡើងវ៉ារថយន្តមួយគ្រឿងទៀតក៏ជ្រុលទៅបុកម៉ូតូសង់ដែលជិះបញ្ច្រាសទិសគ្នាអូសចំងាយជាង១០ម៉ែត្រ បណ្តាលឲ្យស្ត្រីជាអ្នកបើកម៉ូតូរងរបួសធ្ងន់បាក់ខ្ទេចជើងទាំងពីរត្រូវជាម្តាយ ឈ្មោះ ទេស ផល អាយុ៣៩ឆ្នាំ ចំណែកស្ត្រីជាកូន ឈ្មោះមាស ភឿន អាយុ២២ឆ្នាំ រងរបួសស្រាលអ្នកទាំង២រស់នៅភូមិអន្លូង ឃុំរអាង ស្រុកសង្គមថ្មី ខេត្តព្រះវិហារ ។
ក្រោយពីបង្កហេតុអ្នកបើកបររថយន្តបានចុះរត់គេចខ្លួនបាត់ស្រមោល បន្សល់ទុករថយន្ត ម៉ូតូនិងជនរងគ្រោះនៅលើចិញ្ចើមថ្នល់ បន្ទាប់ពីសមត្ថកិច្ចចរាចរណ៍ស្រុកកំពង់ស្វាយធ្វើការវាស់វែងរួច ក៏បាននាំយករថយន្តបង្កហេតុរួមជាមួយវត្ថុតាង ទៅរក្សាទុកនៅអធិការដ្ឋាននគរបាលស្រុកកំពង់ស្វាយ រងចាំដោះស្រាយចំពោះមុខច្បាប់ ។
ចែករំលែកព័តមាននេះ