រាជធានីភ្នំពេញ ៖ បេក្ខនារី២៤នាក់ ដែលបានជ្រើសរើសពីជ្រើសរើសគណៈមេប្រយោគរបស់កញ្ញាឯកទេសចរណ៍ ឯកអន្តរជាតិកម្ពុជា ឥឡូវនេះពួកគេត្រូវបានឱ្យចូលរូមការប្រកួត និងបង្ហាញពីសមត្ថភាព ជំនាញ សម្រស់ ទេពកោសល្យ និងភាពទាក់ទាញរបស់ពួគេ នៅថ្ងៃទី២៣ វិច្ឆិកា នៅសណ្ឋាគារណាហ្គាវើលជាមួយនឹងការទទួលទានភោជនីយហារនៅវគ្គផ្តាច់ព្រ័ត្រនោះផងដែរ។
បេក្ខនារីវ័យក្មេងដែលពោរពេញដោយក្តីសង្ឃឹមជាង១០០នាក់ មានលក្ខណៈគ្រប់គ្រាន់បានចូលរួមការប្រឡងកញ្ញាឯកទេសចរណ៍អន្តរជាតិកម្ពុជាតាំងតែពីជុំទីមួយ និងទីពីរ ប៉ុន្តែបេក្ខនារីមានតែ២៤នាក់ប៉ុណ្ណោះ ត្រូវបានជ្រើសរើសសម្រាប់ការប្រកួតវគ្គផ្តាច់ព្រ័ត្រ ។ កញ្ញាថន ស្រីណៃ ពាក់ស្លាកលេខ១៩ ត្រូវបានប្រកាសជាផ្លូវការក្លាយជាអ្នកឈ្នះនៃការប្រកួតកញ្ញាឯកទេសចរណ៍ឯកអន្តរជាតិកម្ពុជាលើកទី២ នេះ និងកញ្ញាត្រូវបានធ្វើជាតំណាងឱ្យប្រទេសកម្ពុជា ដើម្បីចូលរួមការប្រកួតកញ្ញាឯកទេសចរណ៍អន្តរជាតិពិភពលោក លើកទី១៨ ដែលនឹងធ្វើនៅថ្ងៃទី៣១ ធ្នូ នៅប្រទេសម៉ាឡេស៊ី។
កញ្ញាក៏បានសម្តែងរបាំប្រពៃណីខ្មែរក្នុងអំឡុងពេលប្រកួតវគ្គផ្តាច់ព្រ័ត្រក្នុងវិញ្ញាសារទេពកោសល្យ និងក្លាយជាអ្នកឈ្នះពានរង្វាន់បន្ថែមទៀត នៃកញ្ញាឯកថតរូបស្អាត , ហើយកញ្ញាគឺជានិស្សិតបញ្ចប់ការសិក្សានៃសាកលវិទ្យាល័យ ភូមិន្ទភ្នំពេញ ហើយបច្ចុប្បន្នកញ្ញាបំរើការជាទីប្រឹក្សាក្រុមហ៊ុនវិនិយោគមួយ។ កញ្ញានឹងចេញដំណើរទៅកាន់ប្រទេសម៉ាឡេស៊ី នៅថ្ងៃទី៩ ធ្នូ សម្រាប់រយៈពេល៣សប្តាហ៍ ដើម្បីជំរុញការលើកស្ទួយវិស័យ «ទេសចរណ៍ វប្បធម៌ និង មិត្តភាព» និងទស្សនាទីតាំងវប្បធម៌ជួបម្ចាស់ឧបត្ថម្ភ និងត្រូវបានបណ្តុះបណ្តាលបន្ថែមជាមុន សម្រាប់ការប្រកួតវគ្គផ្តាច់ព្រ័ត្រជាលក្ខណៈពិភពលោកដែលនឹងធ្វើនៅថ្ងៃទី៣១ ធ្នូ ២០១៤។
សម្រាប់កញ្ញាឯកដែលទទួលបានជ័យលាភីទី២ នៃកម្មវិធីកញ្ញាឯកទេសចរណ៍អន្តរជាតិកម្ពុជា គឺបេក្ខនារី ពាក់ស្លាកលេខ១៨ គឺកញ្ញាពិសិដ្ឋ រូហ្សា និងបេក្ខនារីដែលទទួលជ័យលាភីទី៣ គឺកញ្ញា អៀម ច័ន្ទពិសី បេក្ខនារីពាក់ស្លាកលេខ១៦។ បេក្ខនារីទាំងអស់ ដែលទទួលបានជ័យលាភីក្នុងប្រធានបទទាំងបីនឹងត្រូវបានចូលរួមនៅក្នុងព្រឹត្តិការណ៍ខាងមុខ នាពេលអនាគត ដើម្បីជាការលើកកម្ពស់វិស័យ «ទេសចរណ៍ វប្បធម៌ និងមិត្តភាព » ឱ្យប្រទេសកម្ពុជា។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ