ខេត្តត្បូងឃ្មុំ ៖ ដោយសារការធ្វេសប្រហែសខ្វះការប្រុងប្រយ័ត្ន បុរសខ្មែរអ៊ិស្លាមម្នាក់ឈ្មោះកៅ អារី វ័យ២២ឆ្នាំ នៅភូមិវាលទឹកចេញ ឃុំគរ ស្រុកត្បូងឃ្មុំ បានយកគ្រាប់ដែលបន្សល់ទុកពីសង្គ្រាមមកដុតលេងនៅក្នុងភ្នក់ភ្លើង ជាហេតុបណ្តាលឲ្យផ្ទុះលាន់កក្រើកភូមិ ។ ហេតុការណ៏នេះបានកើតឡើងនៅវេលាម៉ោង៨ព្រឹក ថ្ងៃទី២៧ ខែវិច្ឆិកា ឆ្នាំ២០១៤ បណ្តាលឲ្យបុរសនេះរងរបួសដាច់ដៃខាងឆ្វេង ត្រូវបញ្ជូនមកសង្គ្រោះជាបន្ទាន់ នៅមន្ទីរពេទ្យខេត្តកំពង់ចាម ។
បុរសរងគ្រោះប្រាប់ឲ្យដឹងថា គ្រាប់នោះរូបគេមិនស្គាល់ជាប្រភេទគ្រាប់អ្វីនោះទេដោយត្រូវបានរើសចេញពីដីចំការមួយកន្លែង នៅក្នុងស្រុកតំបែរ ដែលមានរាងដូចកូនដបតូចមួយ ក៏កាន់នៅក្នុងដៃជិះតាម៉ូតូ កាលពី២-៣ថ្ងៃមុន យកមកផ្ទះនៅភូមិវាលទឹកចេញ ឃុំគរ ស្រុកត្បូងឃ្មុំ លុះនៅព្រឹកថ្ងៃទី២៧ ខែវិច្ឆិកា បានដុតភ្នក់ភ្លើងឆេះឡើង ដោយមិនស្គាល់ជាប្រភេទគ្រាប់អ្វីនោះក៏យកគ្រាប់នោះទៅដុតលលេង ពេលឆេះនឹងគប់ចោល តែគ្រាន់ដាក់លើភ្លើងភ្លាម ក៏ឆេះផ្ទុះលាន់ក្ឌាំង! បណ្តាលឲ្យរបួសបែកប្រអប់ដៃឆ្វេង ត្រូវម្តាយដឹកមកសង្គ្រោះ នៅមន្ទីរពេទ្យខេត្តកំពង់ចាមតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ